Ecsodus 25:13

Am Bìoball Gàidhlig 1992

Agus nì thu bataichean de fhiodh sitim, agus còmhdaichidh tu thairis iad le òr.

Iomraidhean Croise

1 Rìgh 8:8

Agus tharraing iad a‑mach na lunnan, air chor is gum faicte cinn nan lunn as an ionad naomh fa chomhair a’ ghuth-àite, ach chan fhaicte a‑muigh iad: agus tha iad an sin gus an là‑an‑diugh.

1 Eachdraidh 15:15

Agus ghiùlain mic nan Lèbhitheach àirc Dhè air an guaillean, leis na lunnan orra, mar a dh’àithn Maois a rèir facal an Tighearna.

Ecsodus 25:12

Agus nì thu air a son ceithir failbheagan òir, agus cuiridh tu iad air a ceithir oisnean; agus bidh dà fhailbheig air aon taobh dhith, agus dà fhailbheig air an taobh eile dhith.

Ecsodus 25:14

Agus cuiridh tu na bataichean anns na failbheagan air taobhan na h‑àirce, a‑chum an àirc a ghiùlan leo.

Ecsodus 25:28

Agus nì thu na bataichean de fhiodh sitim, agus còmhdaichidh tu thairis iad le òr; giùlainear am bòrd leo.

Ecsodus 25:5

Agus craicnean reitheachan air an dath dearg, agus craicnean bhroc, agus fiodh sitim,

Ecsodus 27:6

Agus nì thu bataichean don altair, bataichean de fhiodh sitim, agus còmhdaichidh tu thairis iad le umha.

Ecsodus 30:5

Agus nì thu na bataichean de fhiodh sitim, agus còmhdaichidh tu thairis iad le òr.

Ecsodus 37:4

Agus rinn e bataichean de fhiodh sitim, agus chòmhdaich e thairis iad le òr.

Ecsodus 40:20

Agus ghabh e agus chuir e an Fhianais anns an àirc, agus chuir e na bataichean air an àirc, agus chuir e a’ chathair-thròcair air an àirc os a cionn.

Àireamh 4:11

Agus air an altair òir sgaoilidh iad aodach de ghorm, agus còmhdaichidh iad i le còmhdach de chraicnean bhroc, agus cuiridh iad rithe a bataichean.

Àireamh 4:14

Agus cuiridh iad oirre a soithichean uile, leis am fritheil iad ma timcheall, eadhon na tùiseirean, na greimichean-feòla, agus na sluasaidean, agus na cuachan, soithichean na h‑altarach uile; agus sgaoilidh iad oirre còmhdach de chraicnean bhroc, agus cuiridh iad rithe a bataichean.

Àireamh 4:6

Agus cuiridh iad oirre an còmhdach de chraicnean bhroc, agus sgaoilidh iad os a cionn aodach uile de ghorm, agus cuiridh iad a bataichean innte.

Àireamh 4:8

Agus sgaoilidh iad orra aodach sgàrlaid, agus còmhdaichidh iad sin le còmhdach de chraicnean bhroc, agus cuiridh iad a bhataichean ann.