Ecsodus 23:11

Am Bìoball Gàidhlig 1992

Ach air an t‑seachdamh fàgaidh tu a‑muigh e, agus leigidh tu leis laighe na thàmh, a‑chum gun ith bochdan do shluaigh, agus na dh’fhàgas iadsan, gun ith beathaichean na machrach e. Air a’ mhodh cheudna nì thu rid fhìonlios, agus rid lios-ola.

Iomraidhean Croise

Nehemiah 10:31

Agus ma bheir sluagh na tìre leo bathar no biadh air bith air là na sàbaid, ga reic, nach ceannaich sinn e uapa air an t‑sàbaid no air là naomh: agus gun leig sinn leis an t‑seachdamh bliadhna, agus le togail nam fiach uile.

Nehemiah 10:32

Mar an ceudna rinn sinn reachdan dhuinn fhèin, an treas cuid de shecel a chur de fhiachan oirnn fhèin gach bliadhna, airson seirbhis taigh ar Dè:

Ecsodus 23:10

Agus sia bliadhna cuiridh tu d’fhearann, agus cruinnichidh tu a‑steach a thoradh.

Ecsodus 23:12

Sia làithean nì thu d’obair, agus air an t‑seachdamh là gabhaidh tu fois; a‑chum gum faigh do dhamh agus d’asal fois, agus gum faigh mac do bhanoglaich agus an coigreach an anail.

Lebhiticus 25:20

Agus ma their sibh, Ciod a dh’itheas sinn air an t‑seachdamh bliadhna? Feuch, cha chuir sinn sìol, cha mhò a chruinnicheas sinn ar toradh;

Lebhiticus 25:22

Agus cuiridh sibh air an ochdamh bliadhna, agus ithidh sibh fhathast den t‑seann toradh gus an naoidheamh bliadhna; gus an tig a toradh a‑steach, ithidh sibh den t‑seann toradh.

Àireamh 16:14

A thuilleadh air seo, cha tug thu sinn gu fearann a tha a’ sruthadh le mil agus le bainne, cha mhò a thug thu dhuinn oighreachd mhachrach agus fhìonliosan: an cuir thu a‑mach sùilean nan daoine sin? Cha tèid sinne suas.

Deuteronomi 15:11

Oir cha bhi an tìr a‑chaoidh gun bhochd: uime sin tha mi ag àithneadh dhut, ag ràdh, Fosglaidh tu do làmh gu farsaing dod bhràthair, dod bhochd, agus dod uireasbhaidheach, ad dhùthaich.