Ecsodus 22:24

Am Bìoball Gàidhlig 1992

Agus lasaidh mo chorraich suas, agus marbhaidh mi sibh leis a’ chlaidheamh; agus bidh ur mnathan nam bantraichean, agus ur clann nan dìlleachdain.

Iomraidhean Croise

Nehemiah 5:7

Agus chuir mi mo chomhairle rim chridhe fhèin, agus chronaich mi na h‑àrd-uaislean, agus an luchd-riaghlaidh, agus thubhairt mi riu, Tha gach aon agaibh a’ togail ocair o a bhràthair. Agus chuir mi co‑chruinneachadh mòr nan aghaidh.

Iob 31:23

Oir bha sgrios o Dhia na uamhas dhòmhsa, agus a‑thaobh a àirde-san cha robh e an comas dhomh fulang.

Salm 109:2

Oir tha beul an aingidh agus beul na ceilge fosgailte am aghaidh; labhraidh iad am aghaidh le teangaidh nam breug.

Salm 109:9

Biodh a chlann nan dìlleachdain, agus a bhean na bantraich.

Salm 15:5

Nach cuir a airgead a‑mach air ocar, agus nach gabh duais an aghaidh an neochiontaich. Esan a nì na nithean sin, cha ghluaisear gu bràth e.

Salm 69:24

Dòirt d’fhearg orra, agus glacadh do chorraich gheur iad.

Salm 76:7

Is cùis eagail thusa, eadhon thusa; agus cò a sheasas ad làthair nuair a bhios fearg ort?

Salm 90:11

Cò don aithne neart d’fheirge, agus, a rèir d’eagail, do chorraich?

Ieremiah 15:8

Rinneadh am bantraichean na bu lìonmhoire leamsa na gaineamh na fairge: thug mi an aghaidh na màthar agus nam mac fear-millidh ann am meadhon an là: thug mi air nàmhaid agus air uamhasan bualadh oirre gu h‑obann.

Ieremiah 18:21

Uime sin thoir thusa thairis an clann don ghorta, agus thoir orra leaghadh as le neart a’ chlaidheimh; biodh am mnathan air am fàgail gun chlann, agus iad nam bantraichean, agus faigheadh am fir bàs leis a’ phlàigh, agus marbhar an òganaich anns an àraich leis a’ chlaidheamh.

Tuireadh Ieremiah 5:3

Tha sinn nar dìlleachdain, agus gun athair, ar màthraichean mar bhantraichean.

Lebhiticus 25:35

Agus ma dh’fhàsas do bhràthair bochd, agus gun tèid e a dhèidh-làimh agad, an sin fuasglaidh tu air: seadh, ged as coigreach no fear-cuairt e: agus bidh e beò maille riut.

Lebhiticus 25:36

Na gabh riadh uaithe, no tuilleadh is a thug thu dha: ach biodh eagal do Dhè ort, a‑chum is gum faod do bhràthair a bhith beò maille riut.

Nahum 1:6

Cò as urrainn seasamh ro a fheirg-san? Agus cò a dh’fhaodas fuireach ann an dian-theas a chorraich? Tha a chorraich air a dòrtadh a‑mach mar theine, agus tha na creagan air an tilgeadh sìos leis.

Lùcas 6:38

Thugaibh uaibh, agus bheirear dhuibh; deagh thomhas, air a gheinneadh agus air a chrathadh ri chèile, agus a’ cur thairis, bheir daoine nur n‑uchd; oir leis an tomhas len tomhais sibh, tomhaisear dhuibh a‑rìs.

Deuteronomi 23:20

Do choigreach faodaidh tu nì a thoirt an coingheall air riadh, ach dod bhràthair cha toir thu nì sam bith an coingheall air riadh; a‑chum gum beannaich an Tighearna do Dhia thu anns gach nì ris an cuir thu do làmh anns an fhearann da bheil thu a’ dol ga shealbhachadh.

Deuteronomi 23:21

Nuair a bheir thu bòid don Tighearna do Dhia, cha dèan thu moille na h‑ìocadh: oir gu cinnteach iarraidh an Tighearna do Dhia uat i; agus bhiodh e na pheacadh dhut.

Eabhraidhich 10:31

Is nì eagalach tuiteam ann an làmhan an Dè bheò.