Ecsodus 16:21

Am Bìoball Gàidhlig 1992

Agus chruinnich iad e air gach madainn, gach duine a rèir a itheannaich; agus nuair a dh’fhàs a’ ghrian teth, leaghadh e.

Iomraidhean Croise

Ecsodus 16:20

Gidheadh cha d’èisd iad ri Maois, ach dh’fhàg cuid dhiubh dheth gu madainn, agus ghin e cnuimhean, agus lobh e: agus bha corraich air Maois riu.

Ecsodus 16:22

Agus air an t‑siathamh là chruinnich iad a dhà uiread arain, dà omer airson gach aoin: agus thàinig uachdarain a’ choitheanail uile, agus dh’innis iad sin do Mhaois.

Eclesiastes 12:1

Cuimhnich a‑nis do Chruithear ann an làithean d’òige, mun tig na droch làithean, agus an druid na bliadhnachan riut, anns an abair thu, Chan eil tlachd agam annta:

Eclesiastes 9:10

Ge bè nì a gheibh do làmh ra dhèanamh, dèan e led dhìcheall; oir chan eil obair, no innealachd, no eòlas, no gliocas anns an uaigh, da bheil thu a’ dol.

Mata 6:33

Ach iarraibh air tùs rìoghachd Dhè agus a fhìreantachd-san, agus cuirear na nithean seo uile ribh.

Eòin 12:35

An sin thubhairt Iosa riu, Fhathast rè tamaill bhig tha an solas maille ribh: gluaisibh am feadh is a tha solas agaibh, a‑chum nach beir an dorchadas oirbh: oir an tì a tha ag imeachd anns an dorchadas, chan aithne dha càit a bheil e a’ dol.

2 Corintianach 6:2

(Oir tha e ag ràdh, Ann an àm taitneach dh’èisd mi riut, agus ann an là slàinte rinn mi còmhnadh leat: feuch, a‑nis an t‑àm taitneach; feuch, a‑nis là na slàinte.)