Ecsodus 15:17

Am Bìoball Gàidhlig 1992

Bheir thu a‑steach iad, agus suidhichidh tu iad ann an sliabh d’oighreachd, anns an àit a rinn thu dhut fhèin, a Thighearna, a‑chum còmhnaidh a ghabhail ann, anns an ionad naomh, a Thighearna, a dhaingnich do làmhan-sa.

Iomraidhean Croise

2 Samuel 7:10

Agus òrdaichidh mi àite airson mo shluaigh Israel, agus suidhichidh mi iad, agus gabhaidh iad còmhnaidh nan àite fhèin, agus cha ghluaisear iad nas mò: agus cha sàraich clann na h‑aingidheachd iad tuilleadh mar air tùs,

1 Rìgh 8:13

Gu dearbh thog mise taigh-còmhnaidh dhut, àite deas a‑chum thu a dh’fhantainn ann gu bràth.

Salm 114:2

Bha Iùdah dha mar a chòmhnaidh naomh, Israel mar a thighearnas.

Salm 2:6

Gidheadh dh’ung mise mo Rìgh air Sion, mo shliabh naomh-sa.

Salm 44:2

Led làimh thilg thu a‑mach na cinnich, ach shuidhich thu iadsan; chlaoidh thu na slòigh, ach thug thu orrasan soirbheachadh.

Salm 68:16

Carson a leumas sibh, a bheanntan àrda? Is i seo a’ bheinn anns am miann le Dia còmhnaidh a ghabhail; seadh, còmhnaichidh an Tighearna innte gu bràth.

Salm 76:2

Agus ann an Sàlem tha a phàillean, agus a ionad-còmhnaidh ann an Sion.

Salm 80:15

Agus am fìonlios a shuidhich do dheaslàmh, agus am meanglan a neartaich thu dhut fhèin.

Salm 80:8

Thug thu fìonan as an Eiphit; thilg thu a‑mach na cinnich, agus shuidhich thu i.

Ecsodus 15:13

Threòraich thu ann ad thròcair an sluagh seo a shaor thu; thug thu iad ann ad neart a‑chum àite-còmhnaidh do naomhachd.

Ecsodus 23:20

Feuch, cuiridh mise aingeal romhad, gud choimhead anns an t‑slighe, agus gud thabhairt a‑steach don àit a dh’ullaich mi.

Ecsodus 25:8

Agus nì iad dhomh ionad naomh, agus gabhaidh mise còmhnaidh nam measg.

Ecsodus 32:34

Uime sin a‑nis imich, treòraich an sluagh a‑chum an ionaid mun do labhair mi riut; feuch, thèid m’aingeal romhad: gidheadh, anns an là anns am fiosraich mi, leanaidh mi am peacadh orra.

Ieremiah 2:21

Gidheadh shuidhich mise thu ad fhìonain uasail, gu h‑iomlan ad shìol ceart: ach cionnas a chaochail thu orm, a’ gheug chrìonaich na fìonain choimhich?

Ieremiah 31:23

Mar seo deir Tighearna nan sluagh, Dia Israeil, Gnàthaichidh iad fhathast a’ chainnt seo ann am fearann Iùdah, agus na bhailtean, nuair a bheir mise air a h‑ais am bruid, Gum beannaicheadh an Tighearna thu, O àite-còmhnaidh a’ cheartais, O shlèibh na naomhachd.

Ieremiah 32:41

Seadh, nì mi gàirdeachas os an cionn a‑chum math a dhèanamh dhaibh, agus suidhichidh mi iad anns an fhearann seo gu deimhinn, lem uile chridhe, agus lem uile anam.

Eseciel 37:26

A thuilleadh air seo nì mise coicheangal sìthe riu; bidh e na choicheangal sìorraidh riu, agus suidhichidh mi iad, agus nì mi lìonmhor iad, agus cuiridh mi mo naomh-ionad nam meadhon gu bràth.

Eseciel 37:28

Agus aithnichidh na cinnich gur mise Iehòbhah a naomhaicheas Israel, nuair a bhios mo naomh-ionad nam meadhon gu sìorraidh.

Deuteronomi 33:19

Gairmidh iad an sluagh a‑chum na beinne; an sin ìobraidh iad ìobairtean ionracais: oir pailteas nan cuan sùghaidh iad suas, agus ionmhais fhalaichte na gaineimh.

Iosua 22:19

Gidheadh, ma tha fearann ur seilbhe neòghlan, rachaibh thairis do fhearann sealbh an Tighearna, far a bheil pàillean an Tighearna a chòmhnaidh, agus gabhaibh sealbh nar measg-ne: ach na dèanaibh ceannairc an aghaidh an Tighearna, no ceannairc nar n‑aghaidh-ne, le altair a thogail dhuibh fhèin, a thuilleadh air altair an Tighearna ar Dia.