Ecsodus 14:22

Am Bìoball Gàidhlig 1992

Agus chaidh clann Israeil a‑steach ann am meadhon na fairge air talamh tioram, agus bha na h‑uisgeachan nam balla dhaibh air an làimh dheis, agus air an làimh chlì.

Iomraidhean Croise

2 Rìgh 2:14

Agus ghabh e fallaing Eliah a thuit uaithe, agus bhuail e na h‑uisgeachan, agus thubhairt e, Càit a‑nis a bheil an Tighearna, Dia Eliah? Agus nuair a bhuail e na h‑uisgeachan, roinneadh iad a‑null agus a‑nall, agus chaidh Elisa thairis.

2 Rìgh 2:8

Agus ghabh Eliah a fhallaing, agus dh’fhill e cuideachd i, agus bhuail e na h‑uisgeachan, agus roinneadh iad a‑null agus a‑nall; agus chaidh iadsan nan dithis thairis air talamh tioram.

Nehemiah 9:11

Agus roinn thu a’ mhuir romhpa agus chaidh iad tro mheadhon na mara air talamh tioram; agus an luchd-tòrachd thilg thu anns an doimhne, mar chloich anns na h‑uisgeachan làidir.

Salm 106:9

Agus smachdaich e a’ mhuir ruadh, agus thiormaicheadh i; agus threòraich e iad tro na doimhneachdan, mar tro fhàsach.

Salm 136:13

Dhàsan a roinn a’ mhuir ruadh na roinnean, oir gu bràth mairidh a thròcair;

Salm 136:14

Agus a thug air Israel dol tro a meadhon, oir gu bràth mairidh a thròcair;

Salm 66:6

Thionndaidh e a’ mhuir gu talamh tioram; tron t‑sruth ghabh iad thairis dan cois; an sin rinn sinn gàirdeachas ann.

Salm 74:15

Sgoilt thu an tobar agus an sruth; thiormaich thu aibhnichean mòra.

Salm 78:13

Sgoilt e an fhairge, agus thug e iadsan thairis, agus thug e air na h‑uisgeachan seasamh mar thòrr.

Ecsodus 14:29

Ach dh’imich clann Israeil air talamh tioram ann am meadhon na fairge, agus bha na h‑uisgeachan nam balla dhaibh air an làimh dheis, agus air an làimh chlì.

Ecsodus 15:19

Oir chaidh eich Phàraoh a‑steach le a charbadan agus le a mharc-shluagh anns an fhairge, agus thug an Tighearna uisgeachan na fairge air an ais orra; ach dh’imich clann Israeil air talamh tioram ann am meadhon na fairge.

Ecsodus 15:8

Agus le anail do shròine chruinnicheadh na h‑uisgeachan; sheas na tuiltean suas mar thòrr, chruadhaich na doimhneachdan ann am meadhon na fairge.

Isaiah 11:15

Agus millidh an Tighearna teanga na fairge Eiphitich, agus crathaidh e a làmh os cionn na h‑aibhne le a ghaoith làidir; agus buailidh e i na seachd sruthan agus bheir e orra imeachd troimhpe le casan tioram.

Isaiah 11:16

Agus bidh rathad mòr aig fuidheall a shluaigh a dh’fhàgar o Asiria; mar a bha aig Israel, anns an là anns an tàinig e a‑nìos o thìr na h‑Eiphit.

Isaiah 43:16

Mar seo deir an Tighearna, esan a nì slighe anns an fhairge, agus rathad anns na h‑uisgeachan làidir;

Isaiah 51:10

Nach tusa a thiormaich an fhairge, uisgeachan na doimhne mòire, a rinn doimhneachdan na fairge nan slighe don mhuinntir shaorte gu dol thairis?

Isaiah 63:12

A stiùir iad aig deaslàimh Mhaois le a ghàirdean glòrmhor; a’ sgoltadh nan uisgeachan roimhe, a dhèanamh ainm sìorraidh dha fhèin?

Isaiah 63:13

Gan stiùradh tron doimhne, mar each anns an fhàsach, ionnas nach tuislicheadh iad?

Sechariah 2:5

Oir bidh mise, tha an Tighearna ag ràdh, ann am bhalla teine dhi mun cuairt, agus bidh mi ann am ghlòir na meadhon.

Àireamh 33:8

Agus dh’imich iad o chomhair Phihahirot, agus chaidh iad tro mheadhon na fairge don fhàsach, agus dh’imich iad astar trì làithean ann am fàsach Etaim, agus champaich iad ann am Màrah.

1 Corintianach 10:1

Os bàrr, a bhràithrean, cha b’àill leam sibhse a bhith aineolach gu robh ar n‑athraichean uile fon neul, agus gun deachaidh iad uile tron mhuir;

Eabhraidhich 11:29

Tre chreideamh chaidh iad tre an mhuir ruaidh, mar tre thalamh tioram: nì nuair a thug na h‑Eiphitich ionnsaigh air a dhèanamh, bhàthadh iad.

Iosua 3:16

An sin sheas na h‑uisgeachan a thàinig a‑nuas on àirde, agus dh’èirich iad suas nan tòrr ro‑fhada on bhaile Adam, a tha làimh ri Saretan: agus theirig iadsan a chaidh sìos rathad muir a’ chòmhnaird, eadhon a’ mhuir shalainn, agus ghearradh as iad; agus chaidh an sluagh thairis dìreach fa chomhair Iericho.

Iosua 3:17

Agus sheas na sagartan, a ghiùlain àirc coicheangal an Tighearna, gu daingeann air talamh tioram am meadhon Iòrdain, agus chaidh na h‑Israeilich uile thairis air talamh tioram gus an robh an sluagh uile air dol thar Iòrdan.

Iosua 4:22

An sin bheir sibh fios dur cloinn, ag ràdh, Thàinig Israel thar Iòrdan seo air talamh tioram.

1 Samuel 25:16

Bha iad nam balla dhuinn araon a dh’oidhche agus a là, rè na h‑aimsir a bha sinn maille riu ag ionaltradh nan caorach.