Eclesiastes 8:5

Am Bìoball Gàidhlig 1992

Ge bè ghleidheas an àithne, cha mhothaich e droch nì sam bith; agus is aithne do chridhe duine glic àm agus breitheanas.

Iomraidhean Croise

1 Eachdraidh 12:32

Agus de mhic Isachair, aig an robh aithne air na h‑aimsirean, a thuigsinn ciod a bu chòir do Israel a dhèanamh, bu dà cheud an ceannardan; agus am bràithrean uile aig an òrdagh-san.

Salm 119:6

An sin cha ghabh mi nàire, nuair a bheir mi spèis dod àitheantan gu lèir.

Ecsodus 1:17

Ach bha eagal Dhè air na mnathan-glùine, agus cha do rinn iad mar a dh’àithn rìgh na h‑Eiphit dhaibh, ach ghlèidh iad a’ chlann-mhac beò.

Gnàth-fhacal 12:21

Chan èirich aimhleas air bith don fhìrean; ach lìonar na h‑aingidh le olc.

Gnàth-fhacal 17:24

Fa chomhair an duine thuigsich tha gliocas; ach tha sùilean amadain ann an iomall na talmhainn.

Eclesiastes 10:2

Tha cridhe duine glic air a làimh dheis; ach cridhe amadain air a làimh chlì.

Eclesiastes 12:13

Cluinneamaid brìgh na chaidh a ràdh uile: Biodh eagal Dhè ort, agus glèidh a àitheantan; oir is e seo dleasdanas iomlan an duine.

Eclesiastes 2:14

Tha sùilean an duine ghlic na cheann; ach imichidh an t‑amadan ann an dorchadas: gidheadh dh’aithnich mi mar an ceudna gun tachradh an t‑aon nì dhaibh uile.

Eclesiastes 8:2

Comhairlicheam dhut àithne an rìgh a choimhead, agus sin airson mionnan Dhè.

Hosèa 5:11

Tha Ephraim sàraichte, briste ann am breitheanas; a chionn gun do ghluais e gu toileach an dèidh na h‑àithne.

Lùcas 20:25

Agus thubhairt esan riu, Thugaibh-se air an adhbhar sin do Chèasar na nithean as le Cèasar, agus do Dhia na nithean as le Dia.

Gnìomharan 4:19

Ach fhreagair Peadar, agus Eòin agus thubhairt iad riu, A bheil e ceart ann am fianais Dhè, èisdeachd ribhse ro Dhia, thugaibh fhèin breith.

Gnìomharan 5:29

An sin fhreagair Peadar agus na h‑abstoil eile, agus thubhairt iad, Is còir gèill a thoirt do Dhia nas mò na do dhaoine.

Colosianach 1:9

Air an adhbhar seo, chan eil sinne mar an ceudna a’ sgur on là a chuala sinn e, a dhèanamh ùrnaigh air ur son-se, agus a ghuidhe gum biodh sibh air ur lìonadh le eòlas a thoile, anns an uile ghliocas agus thuigse spioradail;

Eabhraidhich 5:14

Ach is ann do dhaoine foirfe a bhuineas biadh làidir, aig a bheil an ciadfathan, tre ghnàthachadh fada, air an cleachdadh ri eadar-dhealachadh a chur eadar math agus olc.