Eclesiastes 7:5

Am Bìoball Gàidhlig 1992

Is fheàrr èisdeachd ri achmhasan duine glic na gun èisdeadh duine ri òran amadan.

Iomraidhean Croise

Salm 141:5

Buaileadh am fìrean mi, is coibhneas e; agus cronaicheadh e mi, is ola luachmhor e, nach bris mo cheann; oir fhathast bidh m’ùrnaigh mar an ceudna air an son nan àmhghairean.

Salm 69:12

Tha iadsan a tha nan suidhe anns a’ gheata a’ labhairt am aghaidh, agus tha mi am òran acasan a tha ag òl dibhe làidir.

Gnàth-fhacal 13:13

Esan a nì tàir air facal, millear e; ach esan air am bi eagal ro àithne, gheibh e luigheachd.

Gnàth-fhacal 13:18

Bochdainn agus nàire bidh dhàsan a dhiùltas fòghlam; ach an tì aig am bi meas air achmhasan, gheibh e urram.

Gnàth-fhacal 17:10

Drùdhaidh achmhasan nas mò air duine glic na ceud buille air amadan.

Gnàth-fhacal 25:12

Mar chluas-fhàinne òir, agus mar usgair den òr fhìorghlan, tha fear-cronachaidh glic aig cluais fhurachair.

Gnàth-fhacal 27:6

Is dìleas lotan caraid; ach is cealgach pògan eascaraid.

Gnàth-fhacal 6:23

Oir is lòchran an àithne, agus is solas an reachd, agus is iad slighe na beatha achmhasain teagaisg;

Gnàth-fhacal 9:8

Na cronaich fear-fochaid, air eagal gum fuathaich e thu: cronaich an duine glic, agus gràdhaichidh e thu.

Eclesiastes 12:11

Tha briathran nan daoine glice mar bhioran, agus mar thàirngean air an sparradh le uachdarain choitheanal, a thugadh le aon aodhaire.

Eclesiastes 7:4

Tha cridhe nan daoine glice ann an taigh a’ bhròin, ach cridhe nan amadan ann an taigh an t‑subhachais.

Eclesiastes 9:17

Eisdear ri briathran dhaoine glice ann an ciùineas, nas mò na ri glaodh an tì a riaghlas am measg amadan.

Taisbeanadh 3:19

A mheud is as ionmhainn leam tha mi a’ cronachadh agus a’ smachdachadh; uime sin biodh agadsa teas-ghràdh, agus dèan aithreachas.