Eclesiastes 10:2

Am Bìoball Gàidhlig 1992

Tha cridhe duine glic air a làimh dheis; ach cridhe amadain air a làimh chlì.

Iomraidhean Croise

Gnàth-fhacal 14:8

Is e gliocas an duine chiallaich a shlighe a thuigsinn; ach is cealg amaideachd nan amadan.

Gnàth-fhacal 15:7

Sgaoilidh bilean nan daoine glice eòlas; ach cha dèan cridhe nan amadan mar sin.

Gnàth-fhacal 17:16

Carson a tha luach ann an làimh amadain a dh’fhaotainn gliocais, agus e gun rùn aige?

Eclesiastes 10:10

Ma bhios an t‑iarann maol, agus nach geuraich e am faobhar, feumaidh e an tuilleadh spionnaidh a chur leis; ach tha gliocas tairbheach a sheòladh.

Eclesiastes 10:14

Agus tha amadan làn de bhriathran: chan eil fhios aig duine ciod a bhios ann: agus ciod a bhios ann na dhèidh, cò as urrainn innse dha?

Eclesiastes 9:10

Ge bè nì a gheibh do làmh ra dhèanamh, dèan e led dhìcheall; oir chan eil obair, no innealachd, no eòlas, no gliocas anns an uaigh, da bheil thu a’ dol.

Mata 25:33

Agus cuiridh e na caoraich air a làimh dheis, ach na gobhair air a làimh chlì.

Mata 6:33

Ach iarraibh air tùs rìoghachd Dhè agus a fhìreantachd-san, agus cuirear na nithean seo uile ribh.

Colosianach 3:1

Uime sin ma dh’èirich sibh maille ri Crìosd, iarraibh na nithean a tha shuas, far a bheil Crìosd na shuidhe aig deaslàimh Dhè.