Eabhraidhich 2:15

Am Bìoball Gàidhlig 1992

Agus gun saoradh e iadsan a bha tre eagal a’ bhàis rè am beatha uile fo dhaorsa.

Iomraidhean Croise

Iob 18:11

Air gach taobh cuiridh uamhasan eagal air, agus fuadaichidh iad air a chasan e.

Iob 18:14

Spìonar as a phàillean a dhòchas; agus bheir e e gu rìgh nan uamhann.

Iob 24:17

Oir tha a’ mhadainn dhaibhsan mar sgàil a’ bhàis: ma dh’aithnicheas neach iad, bidh iad ann an uamhasan sgàil a’ bhàis.

Salm 33:19

A‑chum an anam a theasairginn on bhàs, agus an cumail beò anns a’ ghorta.

Salm 55:4

Tha mo chridhe air a chràdh an taobh a‑staigh dhìom, agus thuit uamhasan a’ bhàis orm.

Salm 56:13

Oir shaor thu m’anam on bhàs, agus mar an ceudna mo chasan o thuisleadh, a‑chum gun gluaisinn ann ad fhianais, a Dhè, ann an solas nam beò.

Salm 73:19

Cionnas a thugadh iad gu sgrios, mar ann an tiota, agus a chuireadh as dhaibh gu tur le uamhasan!

Salm 89:48

Cò e an duine a tha beò agus nach faic am bàs, no a theasairgeas a anam fhèin o làimh na h‑uaighe?

Ròmanaich 8:15

Oir cha d’fhuair sibh spiorad na daorsa a‑rìs a‑chum eagail; ach fhuair sibh Spiorad na h‑uchd-mhacachd, tre an glaodh sinn, Abba, Athair.

Ròmanaich 8:21

Ann an dòchas gun saorar an cruthachadh fhèin fòs o dhaorsa na truaillidheachd, gu saorsa ghlòrmhor clann Dhè.

2 Corintianach 1:10

Neach a shaor sinn o bhàs cho mòr, agus a tha gar saoradh: anns a bheil ar dòchas gun saor e sinn fhathast;

Galàtianach 4:21

Innsibh dhomh, sibhse lem miann a bhith fon lagh, nach cluinn sibh an lagh?

2 Timòteus 1:7

Oir cha tug Dia dhuinne spiorad na geilt; ach spiorad a’ chumhachd, agus a’ ghràidh, agus na h‑inntinn fhallain.

Eabhraidhich 2:16

Oir gu deimhinn cha do ghabh e nàdar nan aingeal air; ach ghabh e sìol Abrahàim air.