Daniel 8:9

Am Bìoball Gàidhlig 1992

Agus a‑mach as aon dhiubh thàinig adharc bheag, a dh’fhàs anabarrach mòr, ris an àird a deas, agus ris an àird an ear, agus ris an tìr thaitnich.

Iomraidhean Croise

Salm 105:24

Agus thug e air a shluagh fàs ro‑lìonmhor, agus rinn e na bu treasa iad na an naimhdean.

Salm 48:2

Tha sliabh Shioin sgiamhach na shuidheachadh; is e aoibhneas na talmhainn uile; air an taobh mu thuath tha baile an Rìgh mhòir.

Ieremiah 3:19

Agus nuair a thubhairt mi, Cionnas a bheir mi àite dhut am measg mhac, agus a bheir mi dhut am fearann taitneach, oighreachd aoibhneach sluagh nan cinneach? An sin thubhairt mi, Goiridh tu riumsa, M’athair; agus cha till thu air d’ais om leantainn.

Eseciel 20:15

Ach fòs thog mi suas mo làmh dhaibh anns an fhàsach, nach tugainn iad don fhearann a thug mi dhaibh, a’ sruthadh le bainne agus le mil, as e glòir nan uile fhearann:

Eseciel 20:6

Anns an là anns an do thog mi suas mo làmh air an son gu an toirt a‑mach à tìr na h‑Eiphit, a‑chum fearainn a rannsaich mi a‑mach dhaibh, a’ sruthadh le bainne agus le mil, as e glòir nan uile fhearann;

Daniel 11:16

Ach nì esan a thig na aghaidh a rèir a thoile fhèin, agus cha seas neach air bith roimhe: agus seasaidh e anns an tìr ghlòrmhoir, a bhios air a sgrios le a làimh.

Daniel 11:21

Agus na àite-san seasaidh suas neach suarach do nach toir iad onair na rìoghachd: ach thig e a‑steach gu sìochail, agus gheibh e an rìoghachd le miodal.

Daniel 7:8

Thug mi fa‑near na h‑adhaircean, agus, feuch, thàinig a‑nìos nam measg adharc bheag eile, ron robh trì de na ciad adhaircean air an spìonadh a‑nìos as am freumhan: agus, feuch, anns an adhairc seo bha sùilean mar shùilean duine, agus beul a’ labhairt nithean mòra.

Sechariah 7:14

Ach sgap mi iad le cuairt-ghaoith, am measg nan uile chinneach nach b’aithne dhaibh: agus bha am fearann fàs nan dèidh, air chor is nach do shiubhail neach air bith troimhe, air ais no air aghaidh: agus rinn iad an tìr thaitneach na fàsach.