Daniel 5:10

Am Bìoball Gàidhlig 1992

A‑nis thàinig a’ bhànrighinn airson briathran an rìgh agus a thighearnan a‑steach gu taigh na cuirme; agus labhair a’ bhànrighinn ag ràdh, O rìgh mair beò gu bràth: na dèanadh do smuaintean do bhuaireadh, agus na biodh do ghnùis air a caochladh.

Iomraidhean Croise

1 Rìgh 1:31

An sin chrom Batsèba sìos le a h‑aghaidh gu làr, agus rinn i ùmhlachd don rìgh agus thubhairt i, Maireadh mo thighearna rìgh Daibhidh gu bràth.

Iob 13:4

Oir is luchd-cumaidh bhreug sibhse, lèighean nach fiù sibh uile.

Iob 21:34

Cionnas, matà, a tha sibh a’ tabhairt comhfhurtachd dhomh gu dìomhain, nuair a tha cealg nur freagradh?

Daniel 2:4

An sin labhair na Caldèanaich ris an rìgh anns a’ chànain Shirianaich, O rìgh, mair beò gu bràth: innis dod sheirbhisich am bruadar, agus feuchaidh sinne a bhrìgh.

Daniel 3:9

Labhair iad, agus thubhairt iad ris an rìgh Nebuchadnesar, O rìgh, mair beò gu bràth.

Daniel 5:6

An sin chaochail gnùis an rìgh, agus rinn a smuaintean a bhuaireadh, air chor is gu robh uilt a leasraidh air am fuasgladh, agus bhuail a ghlùinean an aghaidh a chèile.

Daniel 6:21

An sin thubhairt Daniel, O rìgh mair beò gu bràth.

Daniel 6:6

An sin chruinnich na h‑uachdarain agus na prionnsachan seo ri chèile a‑chum an rìgh, agus thubhairt iad ris mar seo, A rìgh Dhariuis, mair beò gu bràth.