Daniel 2:31

Am Bìoball Gàidhlig 1992

Chunnaic thusa, O rìgh, agus feuch ìomhaigh mhòr: sheas an ìomhaigh mhòr seo, aig an robh dealradh òirdheirc, fad chomhair, agus bha a dreach uamhasach.

Iomraidhean Croise

Isaiah 13:11

Agus dìolaidh mise air an t‑saoghal an droch-bheairt, agus air na h‑aingidh an euceart; agus cuiridh mi crìoch air àrdan nan uaibhreach, agus leagaidh mi sìos uaill nan uamhasach.

Eseciel 28:7

Feuch, uime sin, bheir mise coimhich ort, fir uamhasach nan cinneach; agus tàirngidh iad an claidheamhan an aghaidh maise do ghliocais, agus truaillidh iad do dhealradh.

Daniel 2:36

Seo am bruadar; agus innsidh sinn a bhrìgh an làthair an rìgh.

Daniel 2:37

O rìgh, is rìgh os cionn rìghrean thusa: oir thug Dia nèimh dhut rìoghachd, cumhachd, agus neart, agus glòir.

Daniel 3:1

Rinn Nebuchadnesar an rìgh ìomhaigh òir, a bha trì-fichead làmh-choille air àirde, agus sia làmhan-coille air leud: chuir e suas i ann am machair Dhura, ann am mòr-roinn Bhàbiloin.

Daniel 4:36

Anns an àm sin fhèin thill mo thuigse thugam; agus a‑thaobh glòir mo rìoghachd, thill m’onair agus mo mhòrachd thugam; agus dh’iarr mo chomhairlichean agus mo thighearnan am ionnsaigh; agus bha mi air mo dhaingneachadh ann am rìoghachd, agus thugadh tuilleadh dhomh de mhòrachd òirdheirc.

Habacuc 1:7

Tha iad uamhasach agus eagalach: thig am breitheanas agus an òirdheirceas a‑mach uapa fhèin.

Mata 4:8

Thug an diabhal e a‑rìs a‑chum beinne ro‑àird, agus nochd e dha uile rìoghachdan an domhain, agus an glòir;

Lùcas 4:5

Agus air don diabhal a thoirt gu beinn àird, nochd e dha uile rìoghachdan an domhain ann am mionaid aimsir.