Daniel 2:14

Am Bìoball Gàidhlig 1992

An sin fhreagair Daniel le comhairle agus le gliocas Arioch, ceann-feadhna freiceadan an rìgh, a chaidh a‑mach a mharbhadh daoine glice Bhàbiloin.

Iomraidhean Croise

Genesis 37:36

Agus reic na Midianaich e anns an Eiphit ri Potiphar, oifigeach le Phàraoh, ceannard an fhreiceadain.

Ieremiah 39:9

An sin thug Nebusaradan, ceannard an fhreiceadain, leis nam braighdean gu Bàbilon am fuidheall sluaigh a dh’fhan anns a’ bhaile, agus iadsan a theich thairis da ionnsaigh, leis a’ chuid eile den t‑sluagh a dh’fhan beò.

Ieremiah 52:12

Agus anns a’ chòigeamh mìos, air an deicheamh là den mhìos (b’i sin an naoidheamh-bliadhna-deug de linn Nebuchadnesair rìgh Bhàbiloin), thàinig Nebusaradan, ceannard an fhreiceadain, a fhritheil do rìgh Bhàbiloin, gu Ierusalem.

Ieremiah 52:14

Agus bhris uile fheachd nan Caldèanach, a bha le ceannard an fhreiceadain, ballachan Ierusaleim sìos air gach taobh.

Daniel 2:15

Fhreagair e agus thubhairt e ri Arioch, ceann-fheadhna an rìgh, Carson a tha an t‑òrdagh cho dian on rìgh? An sin dh’innis Arioch a’ chùis do Dhaniel.

Daniel 2:24

Uime sin chaidh Daniel a‑steach gu Arioch, a shònraich an rìgh gu daoine glice Bhàbiloin a mhilleadh: chaidh e agus labhair e mar seo ris, Na sgrios daoine glice Bhàbiloin: thoir mise a‑steach ann am fianais an rìgh, agus feuchaidh mi don rìgh an seadh.