Daniel 11:6

Am Bìoball Gàidhlig 1992

Agus an ceann bhliadhnachan ceanglaidh iad iad fhèin ri chèile; oir thig nighean rìgh na h‑àird a deas a‑chum rìgh na h‑àird a tuath a dhèanamh rèite eatorra: ach cha ghlèidh i cumhachd a ghàirdein, cha mhò a sheasas i fhèin no a sliochd: ach bheirear ise seachad, agus iadsan a thug leo i, agus esan a ghin i, agus esan a neartaich i anns na h‑aimsirean seo.

Iomraidhean Croise

Iob 38:15

Agus cumar an solas o na h‑aingidh, agus brisear an gàirdean àrd.

Salm 10:5

Tha a shlighean doilgheasach anns gach àm; tha do bhreitheanais àrd as a shealladh; a‑thaobh a naimhdean uile, nì e tarcais orra.

Eseciel 30:21

A mhic an duine, bhris mise gàirdean Phàraoh rìgh na h‑Eiphit, agus, feuch, cha cheanglar e suas gu bhith air a leigheas, a chur crios air ga cheangal, ga dhèanamh làidir, a chumail a’ chlaidheimh.

Daniel 11:13

Oir tillidh rìgh na h‑àird a tuath, agus cuiridh e sluagh mòr a‑mach, as mò na a’ chiad sluagh, agus thig e gu cinnteach (an dèidh bhliadhnachan àraidh) le feachd mòr, agus le pailteas saoibhreis.

Daniel 11:15

Mar sin thig rìgh na h‑àird a tuath, agus tilgidh e suas tòrr, agus glacaidh e na bailtean as làidire; agus cha seas gàirdeanan na h‑àird a deas na aghaidh, no a shluagh taghte, cha mhò a bhios neart air bith a chuireas na aghaidh.

Daniel 11:40

Agus an àm na crìche nì rìgh na h‑àird a deas a phurradh, agus thig rìgh na h‑àird a tuath na aghaidh mar chuairt-ghaoith, le carbadan, agus le marcaichean, agus le mòran long; agus thèid e a‑steach do na dùthchannan, agus sgaoilidh e mar thuil, agus siùbhlaidh e thairis.

Daniel 11:7

Ach a‑mach à meangan de a freumh seasaidh aon suas na inbhe, a thig le feachd, agus a thèid a‑steach gu daingneach rìgh na h‑àird a tuath, agus cuiridh e nan aghaidh, agus bheir e buaidh:

Sechariah 11:16

Oir feuch, togaidh mise suas buachaille anns an fhearann, nach seall an dèidh an nì sin a ghearrar as: nach iarr a’ chuid a tha òg; agus nach leighis a’ chuid a fhuair dochann; cha mhò a bheathaicheas e a’ chuid a sheas: ach ithidh e feòil na cuid a tha reamhar, agus reubaidh e an crodhain nam bloighdean.