Britheamhan 17:12

Am Bìoball Gàidhlig 1992

Agus choisrig Micah an Lèbhitheach; agus bha an t‑òganach aige na shagart, agus bha e ann an taigh Mhicah.

Iomraidhean Croise

Britheamhan 18:30

Agus chuir clann Dhain suas dhaibh fhèin an dealbh snaidhte: agus bha Ionatan mac Ghersoim mhic Mhanaseh, e fhèin agus a mhic, nan sagartan do threubh Dhain, gu ruig là braighdeanas na tìre.

1 Rìgh 12:31

Agus rinn e taigh àitean àrda, agus rinn e sagartan den chuid a b’ìsle den t‑sluagh, nach robh de chloinn Lèbhi.

Àireamh 16:5

Agus labhair e ri Corah, agus ra chuideachd uile, ag ràdh, Eadhon a‑màireach nochdaidh an Tighearna cò iad as leis, agus cò a tha naomh, agus bheir e air teachd am fagas dha: bheir e eadhon airsan a roghnaich e, teachd am fagas dha.

Àireamh 18:1

Agus thubhairt an Tighearna ri Aaron, Giùlainidh tusa agus do mhic, agus taigh d’athar maille riut, euceart an ionaid naoimh; agus giùlainidh tusa agus do mhic maille riut euceart ur sagartachd.

Britheamhan 17:11

Agus bha an Lèbhitheach toilichte còmhnaidh a ghabhail maille ris an duine, agus bha an t‑òganach dha mar aon de a mhic.

Britheamhan 17:13

Agus thubhairt Micah, A‑nis tha fhios agam gun dèan an Tighearna math dhomh, a chionn gu bheil Lèbhitheach agam na shagart.

Britheamhan 18:4

Agus thubhairt esan riu, Mar seo agus mar seo rinn Micah rium, agus thuarasdalaich e mi, agus tha mi aige am shagart.