Britheamhan 13:8

Am Bìoball Gàidhlig 1992

An sin ghuidh Manòah air an Tighearna, agus thubhairt e, O mo Thighearna, thigeadh, guidheam ort, òglach Dhè, a chuir thu uat, a‑rìs dar n‑ionnsaigh, agus teagaisgeadh e dhuinn ciod a nì sinn ris an leanabh a bheirear.

Iomraidhean Croise

Iob 34:32

An nì nach lèir dhomh, teagaisg thusa dhomh: ma rinn mi aingidheachd, cha dèan mi sin nas mò.

Gnìomharan 9:6

Agus air dhàsan a bhith air chrith agus làn uamhainn, thubhairt e, A Thighearna, ciod as àill leat mise a dhèanamh? Agus thubhairt an Tighearna ris, Eirich, agus rach a‑steach don bhaile, agus innsear dhut ciod as còir dhut a dhèanamh.

Britheamhan 13:11

Agus dh’èirich Manòah, agus chaidh e an dèidh a mhnà, agus thàinig e a dh’ionnsaigh an duine, agus thubhairt e ris, An tusa an duine a labhair ris a’ mhnaoi? Agus thubhairt esan, Is mi.

Britheamhan 13:3

Agus dh’fhoillsich aingeal an Tighearna e fhèin don mhnaoi, agus thubhairt e rithe, Feuch a‑nis, tha thu aimrid, agus cha do rug thu fhathast clann: ach fàsaidh tu torrach, agus beiridh tu mac.

Britheamhan 13:6

Agus thàinig a’ bhean agus dh’innis i da fear, ag ràdh, Thàinig òglach Dhè am ionnsaigh, agus a ghnùis mar ghnùis aingeal Dhè, ro‑uamhasach: ach cha d’fheòraich mi dheth cia as a bha e, agus cha d’innis e dhomh a ainm.

Britheamhan 13:7

Ach thubhairt e rium, Feuch, fàsaidh tu torrach, agus beiridh tu mac; agus a‑nis na òl fìon no deoch làidir, agus na ith nì air bith neòghlan: oir bidh an leanabh na Nàsarach do Dhia on bhroinn gu là a bhàis.

Britheamhan 13:9

Agus dh’èisd Dia ri guth Mhanòah; agus thàinig aingeal Dhè a‑rìs a dh’ionnsaigh na mnà, agus i na suidhe anns an achadh: ach cha robh Manòah a fear maille rithe.