Amos 1:7

Am Bìoball Gàidhlig 1992

Ach cuiridh mi teine air balla Ghàsa, a sgriosas a lùchairtean.

Iomraidhean Croise

2 Rìgh 18:8

Bhuail e na Philistich gu ruig Gàsa agus a chrìochan, o thùr an fhreiceadain gu ruig am baile daingnichte.

2 Eachdraidh 26:6

Agus chaidh e a‑mach, agus chog e an aghaidh nam Philisteach, agus bhris e sìos balla Ghait, agus balla Iabneith, agus balla Asdoid; agus thog e bailtean ann an Asdod, agus am measg nam Philisteach.

Ieremiah 47:1

Facal an Tighearna a thàinig gu Ieremiah am fàidh a‑thaobh nam Philisteach, mun do bhuail Phàraoh Gàsa.

Ieremiah 47:5

Thàinig maoile air Gàsa; mhilleadh Ascelon, fuidheall an glinne; cia fhada a nì thu thu fhèin a ghearradh?

Eseciel 30:8

Agus aithnichidh iad gur mise an Tighearna, nuair a chuireas mi teine anns an Eiphit, agus a sgriosar a h‑uile luchd-cuideachaidh.

Eseciel 39:6

Agus cuiridh mi teine air Magog, agus am measg na muinntir a tha a chòmhnaidh gu neo-umhailteach anns na h‑eileanan; agus aithnichidh iad gur mi an Tighearna.

Amos 1:4

Ach cuiridh mise teine air taigh Hasaeil, a loisgeas lùchairtean Bhen-hadaid.

Amos 1:6

Mar seo tha an Tighearna ag ràdh, Airson trì lochdan Ghàsa, agus airson ceithir, cha till mi air falbh a pheanas; a chionn gun tug iad a’ bhruid uile air falbh ann am braighdeanas, a‑chum an toirt seachad do Edom.

Amos 1:8

Agus gearraidh mi am fear-àiteachaidh air falbh o Asdod, agus esan a ghlacas an t‑slat-rìoghail o Ascelon; agus tionndaidhidh mi mo làmh an aghaidh Ecroin: agus bàsaichidh fuidheall nam Philisteach, deir an Tighearna Iehòbhah.

Sephaniah 2:4

Gu dearbh trèigear Gàsa, agus cuirear fàs Ascelon: fògraidh iad a‑mach Asdod air mheadhon-là; agus bidh Ecron air a spìonadh à freumh.

Ròmanaich 12:19

A chàirdean gràdhach, na dèanaibh dìoghaltas air ur son fhèin, ach thugaibh àite don fheirg: oir tha e sgrìobhte, Is leamsa dìoghaltas; ìocaidh mi, tha an Tighearna ag ràdh.

Deuteronomi 32:35

Dhòmhsa buinidh dìoghaltas, agus luigheachd; ri ùine sleamhnaichidh an cas: oir tha là an sgrios am fagas, agus tha na nithean a thig orra a’ dèanamh deifir.