2 Timòteus 4:21

Am Bìoball Gàidhlig 1992

Dèan dìcheall air teachd ron gheamhradh. Tha Eubulus, agus Pudens, agus Linus, agus Claudia, agus na bràithrean uile a’ cur fàilte ort.

Iomraidhean Croise

Lùcas 12:58

Nuair a thèid thu maille rid eascaraid a‑chum an uachdarain, dèan dìcheall anns an t‑slighe air a bhith air do shaoradh uaithe; air eagal gun tarraing e a‑chum a’ bhritheimh thu, agus gun toir am britheamh thairis don mhaor thu, agus gun tilg am maor am prìosan thu.

1 Corintianach 16:20

Tha na bràithrean uile a’ cur fàilte oirbh. Cuiribh-se fàilte air a chèile le pòig naoimh.

2 Corintianach 13:13

Tha na naoimh uile a’ cur beannachd dur n‑ionnsaigh.

Philipianach 4:22

Tha na naoimh uile a’ cur fàilte oirbh, gu h‑àraidh iadsan a tha de theaghlach Chèasair.

2 Timòteus 1:4

Air dhomh a bhith ro‑thogarrach air thusa fhaicinn, a’ cuimhneachadh do dheur, a‑chum gum bi mi air mo lìonadh le gàirdeachas;

2 Timòteus 4:13

An fhallaing a dh’fhàg mi ann an Tròas aig Carpus, nuair a thig thu, thoir leat, agus na leabhraichean, ach gu h‑àraidh na meambranan.

2 Timòteus 4:9

Dèan do dhìcheall air tighinn am ionnsaigh gu luath:

Tìtus 3:12

Nuair a chuireas mi Artèmas ad ionnsaigh, no Tichicus, dèan dìcheall air teachd am ionnsaigh gu Nicopolis: oir is ann an sin a chuir mi romham an geamhradh a chaitheamh.

2 Eòin 1:13

Tha clann do pheathar thaghte a’ cur fàilte ort. Amen.

3 Eòin 1:14

Ach tha dòchas agam d’fhaicinn gun dàil, agus labhraidh sinn beul ri beul. Sìth maille riut. Tha na càirdean a’ cur fàilte ort. Cuir fàilte air na càirdean air an ainm.