2 Samuel 8:8

Am Bìoball Gàidhlig 1992

Agus o Bhetah, agus o Bherotai, bailtean Hadadeseir, thug rìgh Daibhidh ro‑mhòran umha.

Iomraidhean Croise

2 Samuel 8:7

Agus ghabh Daibhidh na sgiathan òir a bha aig seirbhisich Hadadeseir, agus thug e iad gu Ierusalem.

1 Rìgh 11:23

Agus dhùisg Dia suas nàmhaid eile dha, Reson mac Eliadah, a theich o Hadareser, rìgh Shobah, a thighearna.

1 Eachdraidh 18:1

Agus an dèidh seo bhuail Daibhidh na Philistich, agus cheannsaich e iad; agus ghlac e Gat agus a bhailtean beaga à làimh nam Philisteach.

1 Eachdraidh 18:8

Agus o Thibat agus o Chun, bailtean Hadareseir, thug Daibhidh ro‑mhòran umha, leis an do rinn Solamh an fhairge umha, agus na puist, agus na soithichean umha.

1 Eachdraidh 22:14

A‑nis, feuch, ann am theanntachd dh’ullaich mise fa chomhair taigh an Tighearna ceud mìle tàlann òir, agus mìle de mhìltean tàlann airgid, agus de umha agus de iarann gun tomhas (oir tha ro‑phailteas ann): fiodh mar an ceudna agus clachan dh’ullaich mi; ach faodaidh tusa cur riu.

1 Eachdraidh 22:16

Air an òr, an airgead, agus an umha, agus an iarann, chan eil àireamh. Eirich agus bi a’ dèanamh, agus gu robh an Tighearna maille riut.

1 Eachdraidh 29:7

Agus thug iad seachad fa chomhair seirbhis taigh Dhè, de òr còig mìle tàlann agus deich mìle darcon, agus de airgead deich mìle tàlann, agus de umha ochd-mìle-deug tàlann, agus ceud mìle tàlann iarainn.

Eseciel 47:16

Hamat, Berotah, Sibraim, a tha eadar crìoch Dhamascais agus crìoch Hamait; Hasar-haticon, a tha làimh ri iomall Haurain.