2 Samuel 24:22

Am Bìoball Gàidhlig 1992

Agus thubhairt Araunah ri Daibhidh, Gabhadh agus ìobradh mo thighearna an rìgh an nì sin a bhios math na shùilean: feuch, tha buar an seo a‑chum ìobairt-loisgte, agus innealan-bualaidh, agus acfhainn eile a bhuineas don bhuar airson connaidh.

Iomraidhean Croise

Genesis 23:11

Na biodh e mar sin, mo thighearna, èisd rium: an t‑achadh bheir mi dhut, agus an uaimh a tha ann, bheir mi dhut i; ann an làthair mic mo dhaoine bheir mi dhut i: adhlaic do mharbh.

1 Rìgh 19:21

Agus thill e uaithe, agus ghabh e cuing dhamh, agus mharbh e iad, agus le acfhainn nan damh bhruith e am feòil, agus thug e don t‑sluagh i, agus dh’ith iad. An sin dh’èirich e, agus chaidh e an dèidh Eliah, agus fhritheil e dha.

1 Eachdraidh 21:22

An sin thubhairt Daibhidh ri Ornan, Thoir dhòmhsa àit an ùrlair-bhualaidh seo, a‑chum gun tog mi altair ann don Tighearna; air a làn luach bheir thu dhomh e, a‑chum gun caisgear a’ phlàigh on t‑sluagh.

Britheamhan 6:26

Agus tog altair don Tighearna do Dhia air mullach na carraige seo, ann an òrdagh, agus gabh an dara tarbh, agus thoir suas ìobairt-loisgte le fiodh an doire a ghearras tu sìos.

1 Samuel 6:14

Agus thàinig am feun gu achadh Iosua, am Bet-semeseach, agus sheas e an sin, far an robh clach mhòr; agus sgoilt iad fiodh an fheuna, agus thug iad suas na mairt nan ìobairt-loisgte don Tighearna.