2 Samuel 24:21

Am Bìoball Gàidhlig 1992

Agus thubhairt Araunah, Carson a thàinig mo thighearna an rìgh a dh’ionnsaigh a sheirbhisich? Agus thubhairt Daibhidh, A cheannach uat an ùrlair-bhualaidh, a thogail altarach don Tighearna, a‑chum gun caisgear a’ phlàigh on t‑sluagh.

Iomraidhean Croise

Genesis 50:10

Agus thàinig iad gu ùrlar-bualaidh Ataid, a tha an taobh thall de Iòrdan; agus rinn iad bròn an sin le caoidh mhòir agus ro‑chràitich: agus rinn e bròn airson a athar seachd làithean.

2 Samuel 24:18

Agus thàinig Gad a dh’ionnsaigh Dhaibhidh air an là sin, agus thubhairt e ris, Gabh suas, tog altair don Tighearna, ann an ùrlar-bualaidh Araunah an t‑Iebusach.

2 Samuel 24:20

Agus dh’amhairc Araunah, agus chunnaic e an rìgh agus a sheirbhisich a’ teachd air an aghaidh da ionnsaigh: agus chaidh Araunah a‑mach, agus chrom e e fhèin don rìgh air a aghaidh gu làr.

2 Samuel 24:3

Agus thubhairt Ioab ris an rìgh, A‑nis gun cuireadh an Tighearna do Dhia ris an t‑sluagh (ge bè ciod an àireamh a tha ann dhiubh) fhathast a cheud uimhir, agus gum faiceadh sùilean mo thighearna an rìgh e; ach carson a tha mo thighearna an rìgh a’ gabhail tlachd anns an nì seo?

1 Eachdraidh 21:22

An sin thubhairt Daibhidh ri Ornan, Thoir dhòmhsa àit an ùrlair-bhualaidh seo, a‑chum gun tog mi altair ann don Tighearna; air a làn luach bheir thu dhomh e, a‑chum gun caisgear a’ phlàigh on t‑sluagh.

Salm 106:30

An sin sheas Phinehas, agus chuir e breitheanas an gnìomh, agus chaisgeadh a’ phlàigh.

Àireamh 25:8

Agus chaidh e an dèidh an duine de Israel a‑steach don bhùth, agus thro-lot e iad le chèile, an duine de Israel, agus a’ bhean tro a broinn: mar sin chaisgeadh a’ phlàigh o chloinn Israeil.