2 Samuel 23:9

Am Bìoball Gàidhlig 1992

Agus na dhèidh-san bha Eleàsar mac Dhodo an t‑Ahohach, aon den triùir dhaoine treuna a bha maille ri Daibhidh, nuair a thug iad dùbhlan do na Philistich a chruinnicheadh an sin gu cath, agus a dh’imich fir Israeil romhpa.

Iomraidhean Croise

1 Eachdraidh 27:4

Agus os cionn roinn an dara mìos bha Dodai an t‑Ahohach, agus air a roinn-san b’e Miclot am fear-riaghlaidh: agus na roinn-san mar an ceudna bha ceithir-mìle-fichead.

1 Eachdraidh 8:4

Agus Abisua, agus Nàaman, agus Ahoah,

Eclesiastes 4:12

Agus ma bhuadhaicheas aon air, seasaidh dithis na aghaidh; agus cha bhrisear còrd thrì dual gu h‑obann.

Isaiah 63:3

Shaltair mi an t‑amar am aonar, agus de na slòigh cha robh aon neach maille rium; oir shaltair mi orra ann am fheirg, agus phronn mi iad ann am chorraich; agus chrathadh am fuil air mo chulaidh, agus tharraing mi sal air m’èideadh uile.

Isaiah 63:5

Agus dh’amhairc mi, agus cha robh fear-cuideachaidh ann; agus b’ioghnadh leam nach robh fear-taice ann; uime sin dh’obraich mo ghàirdean fhèin slàinte dhomh, agus chùm mo chorraich fhèin taice rium.

Marcus 14:50

Agus air do na h‑uile a thrèigsinn, theich iad.

1 Samuel 17:10

Agus thubhairt am Philisteach, Tha mi a’ toirt dùbhlain do shlòigh Israeil an‑diugh; faighibh dhòmhsa fear, a‑chum gun dèan sinn còmhrag ri chèile.

1 Samuel 17:26

Agus thubhairt Daibhidh ris na daoine a sheas làimh ris, ag ràdh, Ciod a nìthear don duine a mharbhas am Philisteach seo, agus a bheir air falbh am masladh o Israel? Oir cò e am Philisteach neo-thimcheall-gheàrrte seo, gun tugadh e dùbhlan do armailtean an Dè bheò?

1 Samuel 17:36

Araon an leòmhann agus am math-ghamhainn mharbh do sheirbhiseach: agus bidh am Philisteach neo-thimcheall-gheàrrte seo mar aon diùbh-san, do bhrìgh gun tug e dùbhlan do armailtean an Dè bheò.