2 Samuel 23:4

Am Bìoball Gàidhlig 1992

Agus mar sholas na maidne nuair a dh’èireas a’ ghrian, madainn gun neòil; mar am feur a’ fàs as an talamh le dealradh an dèidh uisge.

Iomraidhean Croise

Salm 110:3

Bidh do shluagh ro‑thoileach ann an là do chumhachd; ann am maise na naomhachd, mar an drùchd o bholg na maidne, bidh d’òige agad.

Salm 72:6

Thig e a‑nuas mar uisge air an fhaiche bhuainte, mar fhrasan a dh’uisgicheas an talamh.

Salm 89:36

Mairidh a shliochd gu bràth, agus a rìgh-chathair mar a’ ghrian am làthair.

Gnàth-fhacal 4:18

Ach tha slighe nam fìrean mar an solas dealrach, a dhealraicheas nas mò agus nas mò gu ruig an là iomlan.

Isaiah 18:4

Oir mar seo thubhairt an Tighearna rium, Gabhaidh mi fois, agus bidh mo shùil air m’àite-còmhnaidh; mar theas dealrach air an fheur, mar neul dealta ann an teas an fhogharaidh.

Isaiah 4:2

Anns an là sin bidh meangan an Tighearna sgiamhach agus glòrmhor, agus toradh an fhearainn òirdheirc agus maiseach, dhaibhsan a thèid as de Israel.

Isaiah 60:1

Eirich, dealraich; oir thàinig do sholas; agus tha glòir an Tighearna air èirigh ort.

Isaiah 60:3

Agus thig cinnich a dh’ionnsaigh do sholais, agus rìghrean a dh’ionnsaigh do ghrian-èirigh.

Hosèa 6:3

Agus bidh eòlas againn: thèid sinn air ar n‑aghaidh a ghabhail eòlais air an Tighearna: tha a dhol a‑mach air ullachadh mar a’ mhadainn; agus thig e dar n‑ionnsaigh mar an t‑uisge; mar an t‑uisge deireannach, agus an ciad uisge air an talamh.

Hosèa 6:5

Uime sin sgath mi sìos iad leis na fàidhean: mharbh mi iad le briathran mo bheòil: agus bha do bhreitheanais mar an solas na dhol a‑mach.

Micah 5:7

Agus bidh fuidheall Iàcoib am measg mòran shluagh, mar an drùchd on Tighearna, mar na frasan air an fheur, nach feith ri duine, agus nach fan ri mic dhaoine.

Malachi 4:2

Ach dhuibhse air a bheil eagal m’ainme-sa èiridh Grian na Fìreantachd le slàinte na sgiathan; agus thèid sibh a‑mach, agus fàsaidh sibh suas mar laoigh bhiadhte.

Eòin 1:7

Thàinig esan mar fhianais, a‑chum fianais a thoirt mun t‑solas, a‑chum gun creideadh na h‑uile trìdsan.

Deuteronomi 32:2

Silidh mar an t‑uisge mo theagasg, tuitidh mar an drùchd mo chainnt; mar mhìn-uisge air an lus mhaoth, agus mar fhrasan air an fheur;

Britheamhan 5:31

Mar sin rachadh as dod naimhdean uile, a Thighearna; ach biodh iadsan leis an ionmhainn e mar a’ ghrian nuair a thèid i a‑mach na neart. Agus bha fois aig an tìr rè dà‑fhichead bliadhna.