2 Samuel 20:16

Am Bìoball Gàidhlig 1992

An sin ghlaodh bean ghlic a‑mach as a’ bhaile, Eisdibh, èisdibh, abraibh, guidheam oirbh, ri Ioab, Thig am fagas an seo, agus labhraidh mi riut.

Iomraidhean Croise

2 Samuel 14:2

Agus chuir Ioab fios gu Tecòah, agus thug e as a sin bean ghlic, agus thubhairt e rithe, Leig ort a bhith ri bròn, guidheam ort, agus cuir ort a‑nis aodach bròin, agus na ung thu fhèin le ola, ach bi mar mhnaoi a tha a‑nis fada ri bròn airson mairbh:

2 Samuel 20:17

Agus nuair a thàinig e am fagas di, thubhairt a’ bhean, An tu Ioab? Agus fhreagair esan, Is mi. An sin thubhairt i ris, Eisd ri briathran do bhanoglaich. Agus fhreagair esan, Tha mi ag èisdeachd.

2 Samuel 20:22

An sin chaidh a’ bhean a dh’ionnsaigh an t‑sluaigh uile na gliocas: agus gheàrr iad ceann Shèba mhic Bhichri dheth, agus thilg iad a‑mach e a dh’ionnsaigh Ioaib: agus shèid e trompaid, agus chaidh iad air falbh on bhaile, gach fear a dh’ionnsaigh a bhùtha. Agus thill Ioab do Ierusalem a dh’ionnsaigh an rìgh.

Daniel 2:14

An sin fhreagair Daniel le comhairle agus le gliocas Arioch, ceann-feadhna freiceadan an rìgh, a chaidh a‑mach a mharbhadh daoine glice Bhàbiloin.

1 Samuel 25:3

A‑nis b’e ainm an duine Nàbel, agus ainm a mhnà Abigail; agus bha i na mnaoi aig an robh deagh-thuigse, agus maiseach na dealbh; ach bha an duine iargalta agus olc na ghnìomharan; agus bha e de thaigh Chàleib.