2 Samuel 19:42

Am Bìoball Gàidhlig 1992

Agus fhreagair fir Iùdah uile fir Israeil, A chionn gu bheil an rìgh fagas an dàimh dhuinne: carson matà a tha fearg oirbhse airson an nì seo? An d’ith sinn a’ bheag on rìgh? No an tug e tìodhlac sam bith dhuinn?

Iomraidhean Croise

2 Samuel 19:12

Is sibhse mo bhràithrean, is sibh mo chnàmhan agus m’fheòil: carson matà a tha sibh air dheireadh a thoirt an rìgh air ais?

2 Samuel 19:43

Agus fhreagair fir Israeil fir Iùdah, agus thubhairt iad, Tha deich earrannan againne anns an rìgh, agus tha mar an ceudna tuilleadh còir againn ann an Daibhidh na tha agaibhse: carson matà a rinn sibh tàir oirnne? Agus nach b’e ar gnothach-ne an toiseach ar rìgh a thabhairt air ais? Agus bu ghairge briathran fir Iùdah na briathran fir Israeil.

2 Samuel 2:4

Agus thàinig daoine Iùdah, agus dh’ung iad an sin Daibhidh na rìgh os cionn taigh Iùdah. Agus dh’innis iad do Dhaibhidh, ag ràdh, B’iad daoine Iabeis-ghilead a dh’adhlaic Saul.

2 Samuel 5:1

An sin thàinig uile threubhan Israeil a dh’ionnsaigh Dhaibhidh gu Hebron, agus labhair iad, ag ràdh, Feuch, is sinne do chnàimh agus d’fheòil.

Britheamhan 8:1

Agus thubhairt fir Ephraim ris, Ciod e an nì seo a rinn thu oirnn, nach do ghairm thu oirnn nuair a chaidh thu a chogadh an aghaidh nam Midianach? Agus throid iad ris gu geur.