2 Samuel 17:23

Am Bìoball Gàidhlig 1992

Agus nuair a chunnaic Ahitophel nach do ghabhadh a chomhairle, chuir e dìollaid air a asail, agus dh’èirich e, agus dh’imich e a dh’ionnsaigh a thaighe, da bhaile fhèin, agus thug e àitheantan da theaghlach, agus chroch e e fhèin, agus fhuair e bàs, agus dh’adhlaiceadh e ann an àit-adhlacaidh a athar.

Iomraidhean Croise

2 Samuel 15:12

Agus chuir Absalom fios air Ahitophel an Gilonach, comhairliche Dhaibhidh, o a bhaile, eadhon o Ghiloh, nuair a bha e ag ìobradh ìobairtean: agus bha a’ cheannairc làidir; oir bha an sluagh a’ sìor dhol an lìonmhorachd maille ri Absalom.

2 Samuel 15:31

Agus dh’innis neach do Dhaibhidh, ag ràdh, Tha Ahitophel am measg an luchd-ceannairc maille ri Absalom. Agus thubhairt Daibhidh, Tionndaidh, a Thighearna, guidheam ort, comhairle Ahitopheil gu amaideachd.

2 Samuel 16:23

Agus bha comhairle Ahitopheil a thug e seachad anns na làithean sin mar gum fiosraicheadh duine de fhacal Dhè: mar sin bha uile chomhairle Ahitopheil araon aig Daibhidh agus aig Absalom.

2 Samuel 17:22

Agus dh’èirich Daibhidh, agus an sluagh uile a bha maille ris, agus chaidh iad thar Iòrdan gu solas na maidne, gus nach robh aon dhiubh nach deachaidh thar Iòrdan.

1 Rìgh 16:18

Agus nuair a chunnaic Simri gun do ghlacadh am baile, chaidh e a‑steach do lùchairt taigh an rìgh, agus loisg e taigh an rìgh os a chionn fhèin le teine, agus dh’eug e,

2 Rìgh 20:1

Anns na làithean sin bha Heseciah tinn gu bàs: agus thàinig am fàidh Isaiah mac Amois da ionnsaigh, agus thubhairt e ris, Mar seo tha an Tighearna ag ràdh, Cuir do thaigh an òrdagh, oir gheibh thu bàs, agus cha bhi thu beò.

Iob 31:3

Nach eil sgrios ann don droch dhuine, agus coimhichead do luchd-dèanamh na h‑euceirt?

Salm 109:20

Is e seo obair m’eascairdean an làthair an Tighearna agus nan daoine a labhras olc an aghaidh m’anama.

Salm 5:10

Sgrios iad, a Dhè; tuiteadh iad len comhairle fhèin; airson lìonmhorachd an euceartan tilg a‑mach iad, oir rinn iad ceannairc ad aghaidh.

Salm 55:23

Ach tilgidh tusa, a Dhè, sìos iad gu sloc an sgrios; cha mhair daoine fuileachdach agus cealgach leth an làithean; ach cuiridh mise mo dhòigh annadsa.

Gnàth-fhacal 16:18

Ro sgrios thèid uabhar; agus ro leagadh, spiorad àrdanach.

Gnàth-fhacal 19:3

Claonaidh amaideachd duine a shlighe, agus an aghaidh an Tighearna nì a chridhe gearan.

Isaiah 38:1

Anns na làithean sin bha Heseciah tinn gu bàs; agus thàinig Isaiah am fàidh, mac Amois, da ionnsaigh, agus thubhairt e ris, Mar seo tha an Tighearna ag ràdh, Cuir do thaigh an òrdagh; oir gheibh thu bàs, agus cha mhair thu beò.

Mata 27:5

Agus air tilgeadh uaithe nam bonn airgid anns an teampall, dh’imich e roimhe, agus chaidh e agus chroch e e fhèin.