2 Samuel 16:12

Am Bìoball Gàidhlig 1992

Theagamh gun amhairc an Tighearna air m’àmhghar, agus gun dìol an Tighearna dhomh math airson a mhallachaidh air an là‑an‑diugh.

Iomraidhean Croise

2 Samuel 16:13

Agus nuair a dh’imich Daibhidh agus a dhaoine air an t‑slighe, dh’imich Simei air slios an t‑slèibh làimh ris, a’ dol air aghaidh agus a’ mallachadh, agus thilg e clachan agus ùir air.

2 Rìgh 19:4

Theagamh gun cluinn an Tighearna do Dhia uile bhriathran Rab-saceh, a chuir a thighearna rìgh Asiria a mhaslachadh an Dè bheò; agus gun cronaich e na briathran a chuala an Tighearna do Dhia: tog suas d’ùrnaigh, matà, airson an fhuidhill a dh’fhàgadh.

Salm 10:14

Chunnaic thu e, oir is lèir dhut olc agus mìorun, a‑chum an dìoladh led làimh: ortsa fàgaidh an duine bochd e fhèin; is tu fear-cuideachaidh an dìlleachdain.

Salm 109:28

Mallaicheadh iadsan, ach beannaich thusa; nuair a dh’èireas iad, biodh nàire orra; ach biodh d’òglach-sa ait.

Salm 132:1

Cuimhnich, a Thighearna, air Daibhidh, agus air a uile àmhghar.

Salm 25:18

Amhairc air m’àmhghar agus air mo phèin, agus lagh mo pheacaidhean gu lèir.

Gnàth-fhacal 25:22

Oir càrnaidh tu èibhlean teine air a cheann, agus bheir an Tighearna luigheachd dhut.

Gnàth-fhacal 26:2

Mar eun air faondradh, mar an gòbhlan-gaoithe ag itealaich, mar sin cha tig am mallachadh gun adhbhar.

Isaiah 27:7

An do bhuail e e a rèir bualadh an tì a bhuail esan? A bheil e air a mharbhadh a rèir àr na muinntir a mharbhadh leis?

Ioel 2:14

Cò aig a bheil fios nach till, agus nach gabh e aithreachas, agus nach fàg e beannachd na dhèidh, tabhartas-bìdh, agus tabhartas-dibhe, don Tighearna ur Dia?

Ròmanaich 8:28

Agus tha fhios againn gun co‑obraich na h‑uile nithean a‑chum maith, don dream aig a bheil gràdh do Dhia, eadhon dhaibhsan a ghairmeadh a rèir a rùin.

2 Corintianach 4:17

Oir tha ar n‑àmhghar aotrom, nach eil ach rè sealain, ag obrachadh dhuinne trom-chudthrom glòire a tha nas ro‑anabarraiche agus sìor-mhaireannach;

Deuteronomi 23:5

Gidheadh, chan èisdeadh an Tighearna do Dhia ri Balàam; ach thionndaidh an Tighearna do Dhia dhut am mallachadh gu beannachadh, a chionn gum bu toigh leis an Tighearna do Dhia thu.

Deuteronomi 23:6

Chan iarr thu an sìth no an sonas rè d’uile làithean gu bràth.

2 Tesalònianaich 1:7

Agus dhuibhse a tha fo àmhghar, fois maille rinne, nuair a dh’fhoillsichear an Tighearna Iosa o nèamh, maille ra ainglean cumhachdach:

Eabhraidhich 12:10

Oir gu deimhinn smachdaich iadsan sinn rè beagan làithean a rèir an toile fhèin; ach esan a‑chum ar leas, ionnas gum bitheamaid nar luchd-compàirt de a naomhachd.

1 Samuel 1:11

Agus bhòidich i bòid, agus thubhairt i, O Thighearna nan sluagh, ma dh’amhairceas tu da‑rìribh air àmhghar do bhanoglaich, agus gun cuimhnich thu orm, agus nach dìochuimhnich thu do bhanoglach, ach gun toir thu dod bhanoglaich leanabh gille, an sin bheir mi e don Tighearna rè uile làithean a bheatha, agus cha tèid ealtainn air a cheann.