2 Samuel 15:20

Am Bìoball Gàidhlig 1992

An‑dè a‑mhàin thàinig thu, agus an‑diugh an toir mise ort dol air faondradh maille rinne? Oir thèid mise an taobh a tha mi gu dol: till thusa, agus thoir air an ais do bhràithrean leat; agus gun nochdadh an Tighearna dhut tròcair agus fìrinn.

Iomraidhean Croise

2 Samuel 2:5

Agus chuir Daibhidh teachdairean a dh’ionnsaigh daoine Iabeis-ghilead, agus thubhairt e riu, Beannaichte gu robh sibh on Tighearna, a‑thaobh gun do nochd sibh an coibhneas seo dur tighearna, do Shaul, agus gun d’adhlaic sibh e.

2 Samuel 2:6

Agus a‑nis, gun nochdadh an Tighearna coibhneas dhuibhse agus fìrinn: agus dìolaidh mise mar an ceudna am maitheas seo dhuibh, do bhrìgh gun do rinn sibh an nì seo.

Salm 25:10

Is tròcair agus fìrinn uile shlighean an Tighearna, dhaibhsan a ghleidheas a choicheangal agus a theisteis.

Salm 56:8

Rinn thu mo sheachrain àireamh; cuir mo dheòir ann ad shearraig; nach eil iad ann ad leabhar?

Salm 57:3

Cuiridh e neart o nèamh, agus saoraidh e mi; bheir e masladh don fhear lem b’àill mo shlugadh suas. Selah. Cuiridh Dia a‑mach a thròcair agus a fhìrinn.

Salm 59:15

Gabhaidh iad a‑null agus a‑nall airson bìdh, agus mura sàsaichear iad, nì iad gearan.

Salm 61:7

Maireadh e gu bràth am fianais Dhè; gleidheadh tròcair agus fìrinn e.

Salm 61:8

Mar sin seinnidh mi cliù dod ainm gu bràth, a‑chum gun dìol mi mo bhòidean o là gu là.

Salm 85:10

Tha tròcair agus fìrinn air còmhlachadh a chèile; tha ceartas agus sìth air pògadh a chèile.

Salm 89:14

Is iad ceartas agus breitheanas àite-tàimh do rìgh-chathrach; thèid tròcair agus fìrinn rod ghnùis.

Gnàth-fhacal 14:22

Nach tèid iadsan air seachran a dhealbhas an t‑olc? Ach bidh tròcair agus fìrinn acasan a dhealbhas am math.

Gnàth-fhacal 3:3

Na trèigeadh tròcair agus fìrinn thu: ceangail iad mud mhuineal; sgrìobh iad air clàr do chridhe.

Amos 8:12

Agus siùbhlaidh iad o fhairge gu fairge, agus on àird a tuath, eadhon gus an àird an ear; ruithidh iad air an ais agus air an aghaidh, a dh’iarraidh facal an Tighearna, agus chan fhaigh iad e.

Eòin 1:17

Oir thugadh an lagh le Maois, ach thàinig an gràs agus an fhìrinn le Iosa Crìosd.

1 Samuel 23:13

An sin dh’èirich Daibhidh agus a dhaoine, a bha mu thimcheall sia ceud, agus chaidh iad a‑mach à Ceilah, agus dh’imich iad an taobh a dh’fhaodadh iad imeachd. Agus dh’innseadh do Shaul gun deachaidh Daibhidh as à Ceilah, agus leig e dheth dol a‑mach.