2 Samuel 15:19

Am Bìoball Gàidhlig 1992

Agus thubhairt an rìgh ri Itai an Giteach, Carson a tha thusa mar an ceudna a’ dol maille rinne? Till gud àite, agus fan maille ris an rìgh; oir is coigreach thu, agus mar an ceudna fògarrach od àite fhèin.

Iomraidhean Croise

2 Samuel 15:20

An‑dè a‑mhàin thàinig thu, agus an‑diugh an toir mise ort dol air faondradh maille rinne? Oir thèid mise an taobh a tha mi gu dol: till thusa, agus thoir air an ais do bhràithrean leat; agus gun nochdadh an Tighearna dhut tròcair agus fìrinn.

2 Samuel 18:2

Agus chuir Daibhidh a‑mach trian den t‑sluagh fo làimh Ioaib, agus trian fo làimh Abisai mhic Sheruiah, bràthair Ioaib, agus trian fo làimh Itai an Giteach: agus thubhairt an rìgh ris an t‑sluagh, Gu deimhinn thèid mi fhèin mar an ceudna a‑mach maille ribh.

Rut 1:15

Agus thubhairt i, Feuch, tha do phiuthar-chèile air tilleadh a dh’ionnsaigh a sluaigh, agus a dh’ionnsaigh a diathan; till thusa an dèidh do pheathar-chèile.