2 Samuel 13:18

Am Bìoball Gàidhlig 1992

Agus bha trusgan iomadh-dathach oirre; oir le a leithid seo de dheise bha nigheanan an rìgh, a bha nan òighean, air an sgeadachadh. An sin thug a sheirbhiseach a‑mach i, agus chrann e an doras na dèidh.

Iomraidhean Croise

Genesis 37:23

Agus nuair a thàinig Iòseph a dh’ionnsaigh a bhràithrean, an sin bhuin iad de Iòseph a chòta, còta nan iomadh dath, a bha air.

Genesis 37:3

Agus bu docha le Israel Iòseph na a mhic uile, a chionn gum b’e mac a sheann aois e: agus rinn e dha còta de iomadh dath.

Genesis 37:32

Agus chuir iad uapa còta nan iomadh dath, agus thug iad e a dh’ionnsaigh an athar; agus thubhairt iad, Fhuair sinne seo: aithnich a‑nis an e seo còta do mhic, no nach e.

2 Samuel 13:17

An sin ghairm e air a òglach a fhritheil dha, agus thubhairt e, Cuir a‑nis a’ bhean seo a‑mach uam, agus cuir an crann air an doras na dèidh.

Britheamhan 3:23

An sin chaidh Ehud a‑mach tron fhor-dhoras, agus dhùin e dorsan an t‑seòmair air, agus ghlais e iad.

Britheamhan 5:30

Nach d’fhuair iad, nach eil iad a’ roinn na creiche? Maighdeann no dhà do gach fear? Creach iomadh-dathach do Shisera, creach iomadh-dathach de obair snàthaide, iomadh-dathach de obair snàthaide air gach taobh, airson muinealan na muinntir sin a ghlacas a’ chreach?