2 Peadar 2:12

Am Bìoball Gàidhlig 1992

Ach iadsan, mar ainmhidhean nàdarra eu‑cèillidh, a rinneadh gu bhith air an glacadh, agus air an sgrios, air dhaibh a bhith a’ labhairt gu toibheumach mu na nithean nach tuig iad, sgriosar iad nan truaillidheachd fhèin;

Iomraidhean Croise

Salm 49:10

Oir chì e gum faigh na daoine glice bàs, gun sgriosar le chèile an t‑amadan agus an t‑ùmpaidh, agus gum fàg iad am beartas aig daoine eile.

Salm 92:6

Chan eòl don amhlair, agus cha tuig an t‑amadan seo.

Salm 94:8

Tuigibh, sibhse amhlairean am measg an t‑sluaigh; agus amadana, cuin a bhios sibh glic?

Gnàth-fhacal 14:32

Na aingidheachd fuadaichear air falbh an t‑aingidh; ach bidh dòchas aig an fhìrean na bhàs.

Ieremiah 10:21

Oir tha na h‑aodhairean air fàs brùideil, agus chan eil iad ag iarraidh an Tighearna: uime sin cha soirbhich leo fhèin, agus bidh an treudan uile air an sgapadh.

Ieremiah 10:8

Ach tha iad gu h‑iomlan brùideil agus mì‑thuigseach: tha am fiodh e fhèin a’ cur an cèill an dìomhanais.

Ieremiah 12:3

Ach is aithne dhutsa mise, O Thighearna; chunnaic thu mi, agus dhearbh thu mo chridhe, gu bheil e leat: tarraing iad a‑mach mar chaoraich airson a’ chasgraidh, agus cuir air leth iad fa chomhair là a’ mharbhaidh.

Ieremiah 4:22

Gu cinnteach tha mo shluagh-sa amaideach, ormsa cha do ghabh iad eòlas; is clann aig nach eil tuigse iad, agus tha iad air dhìobhail cèille: tha iad seòlta a dhèanamh uilc, ach math a dhèanamh chan aithne dhaibh.

Ieremiah 5:4

An sin thubhairt mise, Gu cinnteach is iad seo na daoine ìosal; tha iad gun chèill, a chionn nach aithne dhaibh slighe an Tighearna, breitheanas an Dè.

Eseciel 21:31

Agus dòirtidh mi a‑mach ort mo dhian chorraich; sèididh mi thairis thu do làimh dhaoine brùideil, cleachdte ri milleadh.

Marcus 7:22

Goid, sannt, aingidheachd, mealltaireachd, macnas, droch shùil, toibheum, uabhar, amaideachd:

Eòin 8:21

An sin thubhairt Iosa riu a‑rìs, Tha mise a’ falbh, agus iarraidh sibh mi, agus bàsaichidh sibh nur peacadh; chan urrainn sibhse teachd don àite dom bheil mise a’ dol.

Galàtianach 6:8

Oir an tì a chuireas da fheòil, buainidh e on fheòil truaillidheachd; ach an tì a chuireas don Spiorad, buainidh e on Spiorad a’ bheatha shuthainn.

Colosianach 2:22

Nithean a thèid uile an neoni len gnàthachadh), a rèir àitheantan agus teagasgan dhaoine?

2 Peadar 1:4

Tre an tugadh dhuinn geallaidhean ro‑mhòr agus luachmhor, a‑chum den trìdsan gum biodh sibhse air ur dèanamh nur luchd-compàirt de nàdar na diadhachd, air dhuibh dol as on truaillidheachd a tha anns an t‑saoghal tre ana-miann.

2 Peadar 2:19

A’ gealltainn saorsa dhaibh, agus gun annta fhèin ach tràillean na truaillidheachd: oir ge bè nì lem buadhaichear air duine, don nì sin fhèin tha e air a chur fo dhaorsa.

Iùdas 1:10

Ach tha an dream sin a’ labhairt gu toibheumach air na nithean nach aithne dhaibh: ach na nithean sin as aithne dhaibh air mhodh nàdarra, mar ainmhidhean gun reusan, tha iad gan truailleadh fhèin annta.