2 Eachdraidh 7:10

Am Bìoball Gàidhlig 1992

Agus air an treas-là‑fichead den t‑seachdamh mìos leig e an sluagh air falbh dam bùthan, aoibhinn agus subhach nan cridhe airson a’ mhaitheis a nochd an Tighearna do Dhaibhidh, agus do Sholamh, agus do Israel a shluagh.

Iomraidhean Croise

1 Rìgh 8:66

Air an ochdamh là leig e air falbh an sluagh: agus bheannaich iad an rìgh agus chaidh iad a dh’ionnsaigh am bùthan, subhach agus aoibhinn nan cridhe, airson a’ mhaith uile a rinn an Tighearna do Dhaibhidh a sheirbhiseach agus da shluagh Israel.

2 Eachdraidh 29:36

Agus rinn Heseciah agus an sluagh uile gàirdeachas, a chionn gun do dheasaich Dia airson an t‑sluaigh: oir rinneadh an nì gu grad.

2 Eachdraidh 30:26

Mar sin bha mòr-aoibhneas ann an Ierusalem: oir o làithean Sholaimh mhic Dhaibhidh, rìgh Israeil, cha robh a leithid ann an Ierusalem.

2 Eachdraidh 6:41

Ach a‑nis èirich thusa, a Thighearna Dhè, dod àite-suaimhneis, thu fhèin, agus àirc do neirt. Biodh do shagartan, a Thighearna Dhè, air an sgeadachadh le slàinte, agus dèanadh do naoimh gàirdeachas ann am maitheas.

2 Eachdraidh 7:11

Agus chrìochnaich Solamh taigh an Tighearna, agus taigh an rìgh; agus gach nì a thàinig ann an cridhe Sholaimh a dhèanamh ann an taigh an Tighearna, agus na thaigh fhèin, shoirbhich leis na dhèanamh.

2 Eachdraidh 7:9

Agus air an ochdamh là chùm iad àrd-choitheanal; oir chùm iad coisrigeadh na h‑altarach seachd làithean, agus an fhèill seachd làithean.

Nehemiah 8:10

An sin thubhairt e riu, Imichibh, ithibh nithean reamhar, agus òlaibh nithean milis, agus cuiribh cuibhreannan dan ionnsaigh-san do nach d’ullaicheadh nì air bith; oir tha an là seo naomh dar Tighearna: agus na bithibh ri bròn, oir is e gàirdeachas an Tighearna ur neart.

Salm 100:2

Dèanaibh seirbhis don Tighearna le aoibhneas, thigibh na fhianais le luathghaire.

Salm 105:3

Dèanaibh uaill as a ainm naomh-san; biodh gàirdeachas air cridhe na dream a dh’iarras an Tighearna.

Salm 106:5

A‑chum gum faic sinn math do dhaoine taghte, a‑chum gun dèan sinn aoibhneas ann an aoibhneas do chinnich, a‑chum gun dèan sinn uaill led oighreachd-sa.

Salm 32:11

Bithibh aoibhneach anns an Tighearna, agus dèanaibh gàirdeachas, sibhse a fhìreanan; agus dèanaibh luathghaire, sibhse uile a tha ceart ann an cridhe.

Salm 92:4

Oir rinn thu mi aoibhinn, a Thighearna, trìd d’obraichean-sa; ann an gnìomharan do làmh nì mi gàirdeachas.

Ecsodus 18:1

Nuair a chuala Ietro, sagart Mhidiain, athair-cèile Mhaois, gach nì a rinn Dia airson Mhaois agus airson Israeil a shluagh, gun tug an Tighearna a‑mach Israel as an Eiphit;

Eseciel 45:25

Anns an t‑seachdamh mìos, air a’ chòigeamh-là‑deug den mhìos, nì e a rèir sin air fèill nan seachd làithean, a rèir an tabhartais-pheacaidh, a rèir na h‑ofrail-loisgte, agus a rèir an tabhartais-bhìdh, agus a rèir na h‑ola.

Gnìomharan 16:34

Agus nuair a thug e da thaigh iad, chuir e bòrd romhpa, agus rinn e gàirdeachas maille ra theaghlach uile, a’ creidsinn ann an Dia.

Gnìomharan 2:46

Agus a’ buanachadh dhaibh gach là a dh’aon inntinn anns an teampall, agus a’ briseadh arain o thaigh gu taigh, chaith iad am biadh le gàirdeachas agus le aon-fhillteachd cridhe,

Deuteronomi 12:12

Agus nì sibh gàirdeachas an làthair an Tighearna ur Dia, sibh fhèin, agus ur mic, agus ur nigheanan, agus ur n‑òglaich, agus ur banoglaich, agus an Lèbhitheach a tha an taobh a‑staigh de ur geatachan; do bhrìgh nach eil roinn no oighreachd aige maille ribh.

Deuteronomi 12:18

Ach an làthair an Tighearna do Dhia ithidh tu iad anns an àit a thaghas an Tighearna do Dhia, thu fhèin, agus do mhac, agus do nighean, agus d’òglach, agus do bhanoglach, agus an Lèbhitheach a tha an taobh a‑staigh ded gheatachan: agus nì thu gàirdeachas an làthair an Tighearna do Dhia anns gach nì ris an cuir thu do làmhan.

Deuteronomi 12:7

Agus ithidh sibh an sin an làthair an Tighearna ur Dia, agus nì sibh gàirdeachas anns gach nì ris an cuir sibh ur làmh, sibh fhèin agus ur teaghlaichean, anns an do bheannaich an Tighearna do Dhia thu.

Deuteronomi 16:11

Agus nì thu gàirdeachas an làthair an Tighearna do Dhia, thu fhèin, agus do mhac, agus do nighean, agus d’òglach, agus do bhanoglach, agus an Lèbhitheach a tha an taobh a‑staigh ded gheatachan, agus an coigreach, agus an dìlleachdan, agus a’ bhantrach, a tha nur measg, anns an ionad a thagh an Tighearna do Dhia a chur a ainme ann.

Deuteronomi 16:14

Agus nì thu gàirdeachas ad fhèill, thu fhèin, agus do mhac, agus do nighean, agus d’òglach, agus do bhanoglach, agus an Lèbhitheach, agus an coigreach, agus an dìlleachdan, agus a’ bhantrach, a tha an taobh a‑staigh ded gheatachan.

Philipianach 4:4

Dèanaibh gàirdeachas anns an Tighearna a‑ghnàth: a‑rìs tha mi ag ràdh, Dèanaibh gàirdeachas.