2 Eachdraidh 6:13

Am Bìoball Gàidhlig 1992

(Oir rinn Solamh bonn umha, agus chuir e e ann am meadhon na cùirte, còig làmhan-coille air fad, agus còig làmhan-coille air leud, agus trì làmhan-coille air àirde; agus sheas e air, agus leig e e fhèin air a ghlùinean an làthair coitheanal Israeil uile, agus sgaoil e a‑mach a làmhan gu nèamh),

Iomraidhean Croise

1 Rìgh 6:36

Agus thog e a’ chùirt a‑staigh le trì sreathan de chlachan snaidhte, agus sreath de shailthean seudair.

1 Rìgh 7:12

Agus aig a’ chùirt mhòir mun cuairt bha trì sreathan de chlachan snaidhte, agus sreath de shailthean seudair: air an dòigh cheudna aig cùirt a‑staigh taigh an Tighearna, agus aig sgàth-thaigh an taighe.

1 Rìgh 8:54

Agus nuair a chuir Solamh crìoch air an ùrnaigh seo uile a dhèanamh ris an Tighearna, agus an athchuinge seo, dh’èirich e o bheulaibh altair an Tighearna, o e fhèin a lùbadh air a ghlùinean, agus a làmhan sgaoilte a dh’ionnsaigh nan nèamh:

2 Eachdraidh 4:9

Agus rinn e cùirt nan sagart, agus a’ chùirt mhòr, agus dorsan airson na cùirte, agus chòmhdaich e an dorsan thairis le umha.

2 Eachdraidh 6:12

Agus sheas e ro altair an Tighearna, an làthair uile choitheanail Israeil, agus sgaoil e a‑mach a làmhan:

Esra 9:5

Agus aig an ìobairt-fheasgair dh’èirich mi om thùirse, lem aodach agus m’fhallaing reubte umam, agus leig mi mi fhèin air mo ghlùinean, agus sgaoil mi a‑mach mo làmhan a dh’ionnsaigh an Tighearna mo Dhia.

Nehemiah 1:4

Agus nuair a chuala mi na briathran seo, shuidh mi sìos, agus ghuil mi, agus rinn mi bròn làithean àraidh, agus thraisg mi, agus rinn mi ùrnaigh am fianais Dia nan nèamh,

Nehemiah 8:4

Agus sheas Esra an sgrìobhaiche air crannaig fhiodha, a rinn iad airson a’ ghnothaich, agus làimh ris sheas Matitiah, agus Sema, agus Anaiah, agus Uriah, agus Hilciah, agus Maaseiah, air a làimh dheis; agus air a làimh chlì Pedaiah, agus Misael, agus Malchiah, agus Hasum, agus Hasbadana, Sechariah agus Mesulam.

Salm 95:6

O thigibh, sleuchdamaid, agus cromamaid sìos; tuiteamaid air ar glùinean am fianais an Tighearna a rinn sinn;

Ecsodus 9:29

Agus thubhairt Maois ris, Cho luath is a thèid mise a‑mach as a’ bhaile, sìnidh mì mo làmhan a‑mach a‑chum an Tighearna: agus sguiridh an tàirneanach, agus cha bhi a’ chlach-mheallain ann nas mò; a‑chum is gum bi fhios agad gur leis an Tighearna an talamh.

Daniel 6:10

A‑nis nuair a thuig Daniel gun deachaidh an sgrìobhadh a sheulachadh, chaidh e a‑chum a thaighe agus air da uinneagan a bhith fosgailte na sheòmar ri Ierusalem, thuit e sìos air a ghlùinean trì uairean anns an là, agus rinn e ùrnaigh, agus thug e buidheachas an làthair a Dhè, mar a rinn e anns an aimsir roimhe.

Lùcas 22:41

Agus thàirngeadh esan uapa mu thimcheall urchar cloiche, agus leig e e fhèin air a ghlùinean, agus rinn e ùrnaigh,

Gnìomharan 20:36

Agus air dha na briathran seo a ràdh, leig e e fhèin air a ghlùinean, agus rinn e ùrnaigh maille riu uile.

Gnìomharan 21:5

Agus nuair a chrìochnaicheadh na làithean sin, chaidh sinn a‑mach, agus thriall sinn romhainn; agus thàinig iadsan uile, maille ri mnathan agus ri cloinn nar cuideachd, a‑mach as a’ bhaile: agus chaidh sinn air ar glùinean air an tràigh, agus rinn sinn ùrnaigh.