2 Eachdraidh 6:12

Am Bìoball Gàidhlig 1992

Agus sheas e ro altair an Tighearna, an làthair uile choitheanail Israeil, agus sgaoil e a‑mach a làmhan:

Iomraidhean Croise

2 Rìgh 11:14

Agus nuair a dh’amhairc i, feuch, sheas an rìgh làimh ri post, mar a bu ghnàth, agus na h‑uachdarain, agus na trompadairean làimh ris an rìgh; agus rinn sluagh na tìre uile gàirdeachas, agus shèid iad le trompaidean: agus reub Ataliah a h‑aodach, agus dh’èigh i, Foill, foill!

2 Rìgh 23:3

Agus sheas an rìgh làimh ri post; agus rinn e coicheangal am fianais an Tighearna gun gluaiseadh iad an dèidh an Tighearna, agus gun gleidheadh iad a àitheantan, agus a theisteis, agus a reachdan len uile chridhe, agus len uile anam, a choileanadh briathran a’ choicheangail seo, a tha sgrìobhte anns an leabhar seo: agus sheas an sluagh uile ris a’ choicheangal.

2 Eachdraidh 6:11

Agus shuidhich mi an sin an àirc, anns a bheil coicheangal an Tighearna, a rinn e ri cloinn Israeil.

2 Eachdraidh 6:13

(Oir rinn Solamh bonn umha, agus chuir e e ann am meadhon na cùirte, còig làmhan-coille air fad, agus còig làmhan-coille air leud, agus trì làmhan-coille air àirde; agus sheas e air, agus leig e e fhèin air a ghlùinean an làthair coitheanal Israeil uile, agus sgaoil e a‑mach a làmhan gu nèamh),

Iob 11:13

Ma dheasaicheas tu do chridhe, agus gun sìn thu da ionnsaigh do làmhan;

Salm 141:2

Cuirear m’ùrnaigh ad làthair, mar thùis; togail suas mo làmh, mar an ìobairt fheasgair.

Salm 143:6

Shìn mi mo làmhan riutsa; tha m’anam, mar thalamh tartmhor, an geall ort. Selah.

Salm 28:2

Eisd ri guth m’athchuingean nuair a ghlaodhas mi riut, an uair a thogas mi mo làmhan a‑chum do ghuth-àite naoimh-sa.

Salm 63:4

Mar sin beannaichidh mi thu, an cian as beò mi; ann ad ainm togaidh mi mo làmhan.

Salm 68:31

Thig àrd-uaislean as an Eiphit; sìnidh Etiopia a làmhan a‑mach gu luath ri Dia.

Ecsodus 9:33

Agus chaidh Maois a‑mach o Phàraoh as a’ bhaile, agus shìn e a‑mach a làmhan a‑chum an Tighearna; agus sguir an tàirneanach agus a’ chlach-mheallain, agus cha do dhòirteadh an t‑uisge air an talamh.

Isaiah 50:10

Cò nur measg air a bheil eagal an Tighearna, a tha ag èisdeachd ri guth a sheirbhisich, a tha a’ siubhal ann an dorchadas agus aig nach eil solas? Earbadh e as ainm an Tighearna, agus leigeadh e a thaice ra Dhia.

1 Timòteus 2:8

Uime sin is àill leam na fir a dhèanamh ùrnaigh anns gach àit, a’ togail suas làmhan naomha gun fheirg, gun amharas: