2 Eachdraidh 36:11

Am Bìoball Gàidhlig 1992

Bliadhna-ar‑fhichead a dh’aois bha Sedeciah nuair a thòisich e air rìoghachadh, agus rìghich e aon-bhliadhna-deug ann an Ierusalem.

Iomraidhean Croise

2 Rìgh 25:1

Agus anns an naoidheamh bliadhna de a rìoghachadh, anns an deicheamh mìos, air an deicheamh là den mhìos, thàinig Nebuchadnesar rìgh Bhàbiloin, e fhèin agus a armailt uile, an aghaidh Ierusaleim, agus champaich e na aghaidh; agus thog iad daingnichean na aghaidh mun cuairt.

Ieremiah 1:3

Thàinig e mar an ceudna ann an làithean Iehoiacim mhic Iosiah, rìgh Iùdah, gu ceann aon-bhliadhna-deug Shedeciah mhic Iosiah, rìgh Iùdah, gus an tugadh air falbh Ierusalem ann am braighdeanas anns a’ chòigeamh mìos.

Ieremiah 27:1

Ann an toiseach linn Iehoiacim mhic Iosiah rìgh Iùdah, thàinig am facal seo gu Ieremiah on Tighearna, ag ràdh,

Ieremiah 28:1

Agus thàrladh anns a’ bhliadhna sin fhèin, an toiseach linn Shedeciah rìgh Iùdah, anns a’ cheathramh bliadhna anns a’ chòigeamh mìos, gun do labhair Hananiah mac Asuir, am fàidh a bha o Ghibeon, riumsa ann an taigh an Tighearna, an làthair nan sagart agus an t‑sluaigh uile, ag ràdh,

Ieremiah 29:16

Mar seo deir an Tighearna ris an rìgh a tha na shuidhe air cathair Dhaibhidh, agus ris an uile shluagh a tha a chòmhnaidh anns a’ bhaile seo, agus ri ur bràithrean nach deachaidh a mach leibh ann am braighdeanas;

Ieremiah 34:2

Mar seo tha an Tighearna, Dia Israeil, ag ràdh, Imich, agus labhair ri Sedeciah rìgh Iùdah, agus abair ris, Mar seo deir an Tighearna, Feuch, bheir mise a’ chathair seo do làimh rìgh Bhàbiloin, agus loisgidh e i le teine:

Ieremiah 37:2

Ach cha d’èisd aon chuid e fhèin no a sheirbhisich, no sluagh na tìre, ri briathran an Tighearna, a labhair e leis an fhàidh Ieremiah.