2 Eachdraidh 34:24

Am Bìoball Gàidhlig 1992

Mar seo tha an Tighearna ag ràdh, Feuch, bheir mise olc air an àite seo, agus air a luchd-àiteachaidh, eadhon gach mallachadh a tha sgrìobhte anns an leabhar a leugh iad am fianais rìgh Iùdah;

Iomraidhean Croise

2 Rìgh 21:12

Uime sin, mar seo tha an Tighearna Dia Israeil ag ràdh, Feuch, tha mi a’ tabhairt uilc air Ierusalem agus Iùdah, a bheir air gach neach a chluinneas e gum bi gaoir na dhà chluais.

2 Eachdraidh 34:23

Agus fhreagair i iad, Mar seo tha an Tighearna Dia Israeil ag ràdh, Innsibh don duine a chuir sibh am ionnsaigh-sa,

Esra 9:7

O làithean ar n‑athraichean bha sinn ann an cionta mòr gu ruig an là‑an‑diugh, agus airson ar n‑euceartan thugadh thairis sinn fhèin, ar rìghrean, ar sagartan, do làimh rìghrean nan tìrean, don chlaidheamh, do dhaorsa, agus do chreachadh, agus do nàire gnùise, mar air an là‑an‑diugh.

Ieremiah 19:15

Mar seo deir Tighearna nan sluagh, Dia Israeil, Feuch, bheir mise air a’ chathair seo, agus air a h‑uile bhailtean, an t‑olc sin uile a labhair mi na h‑aghaidh; a chionn gun do rinn iad am muineal rag, air chor is nach èisdeadh iad rim bhriathran.

Ieremiah 19:3

Agus their thu, Eisdibh-se facal an Tighearna, O a rìghrean Iùdah, agus a luchd-àiteachaidh Ierusaleim: Mar seo deir Tighearna nan sluagh, Dia Israeil, feuch, bheir mise olc air an àite seo, a bheir air neach sam bith a chluinneas e gum bi gaoir na chluasan.

Ieremiah 35:17

Air an adhbhar sin, mar seo deir Iehòbhah, Dia nan sluagh, Dia Israeil: Feuch, bheir mise air Iùdah, agus air uile luchd-àiteachaidh Ierusaleim, an t‑olc sin uile a labhair mi nan aghaidh: a chionn gun do labhair mi riu, ach nach d’èisd iad; agus gun do ghlaodh mi riu, ach nach do fhreagair iad.

Ieremiah 36:13

An sin chuir Michaiah an cèill dhaibh na h‑uile bhriathran a chuala e, nuair a leugh Baruch an leabhar ann an èisdeachd an t‑sluaigh.

Ieremiah 36:31

Agus nì mise peanas air fhèin agus air a shliochd, agus air a sheirbhisich, airson an easaontais, agus bheir mi orrasan, agus air luchd-àiteachaidh Ierusaleim, agus air fir Iùdah, an t‑olc sin uile a labhair mi nan aghaidh; ach cha d’èisd iad.

Ieremiah 6:19

Feuch, bheir mise dòrainn air an t‑sluagh seo, toradh an smuaintean fhèin; a chionn nach tug iad èisdeachd dom bhriathran; agus a‑thaobh mo reachd, chuir iad eadhon cùl ris.

Eseciel 33:10

Uime sin, a mhic an duine, labhair thusa ri taigh Israeil, Mar seo their sibh, ag ràdh, Ma bhios ar cionta agus ar lochdan oirnn, agus gun searg sinn annta, cionnas a dh’fhaodas sinn mar sin a bhith beò?

Eseciel 4:17

A‑chum gum bi uireasbhaidh arain agus uisge orra, agus gum bi uamhas orra gach aon ri chèile, agus gun leagh iad air falbh airson an euceirt.

Lebhiticus 26:14

Ach mura èisd sibh rium, agus mura dèan sibh na h‑àitheantan sin uile;

Lebhiticus 26:39

Agus iadsan a dh’fhàgar dhibh, seargaidh iad as nan aingidheachd ann an dùthchannan ur naimhdean; agus, mar an ceudna, ann an euceartan an athraichean seargaidh iad as maille riu.

Iosua 23:16

Nuair a bhriseas sibh coicheangal an Tighearna ur Dia, a dh’àithn e dhuibh, agus a thèid sibh, agus a nì sibh seirbhis do dhiathan eile, agus a chromas sibh sibh fhèin dhaibh, an sin lasaidh fearg an Tighearna nur n‑aghaidh, agus thèid as dhuibh gu grad bhàrr an fhearainn mhaith a thug e dhuibh.