2 Eachdraidh 34:18

Am Bìoball Gàidhlig 1992

Agus dh’innis Saphan an sgrìobhaiche don rìgh, ag ràdh, Thug Hilciah an sagart leabhar dhomh. Agus leugh Saphan e an làthair an rìgh.

Iomraidhean Croise

2 Rìgh 18:18

Agus nuair a dh’èigh iad ris an rìgh, thàinig a‑mach dan ionnsaigh Eliacim mac Hilciah, a bha os cionn an teaghlaich, agus Sebna an sgrìobhaiche, agus Iòas mac Asaiph an seanchaidh.

2 Eachdraidh 34:17

Chruinnich iad an t‑airgead a fhuaireadh ann an taigh an Tighearna, agus thug iad e do làimh an luchd-amhairc-thairis, agus do làimh luchd-dèanamh na h‑obrach.

2 Eachdraidh 34:19

Agus nuair a chuala an rìgh briathran an lagha, reub e a aodach.

Salm 119:46

Agus labhraidh mi air do theisteis an làthair rìghrean, agus cha bhi nàire orm.

Deuteronomi 17:19

Agus bidh e aige, agus leughaidh e ann, uile làithean a bheatha: a‑chum gum fòghlaim e eagal an Tighearna a Dhia a bhith air, uile bhriathran an lagha seo a ghleidheadh, agus na reachdan seo, a‑chum an dèanamh:

Iosua 1:8

Cha tèid leabhar an lagha seo as do bheul; ach beachd-smaoinichidh tu air a là agus a dh’oidhche, a‑chum gun toir thu an aire gun dèan thu a rèir gach nì a tha sgrìobhte ann: oir an sin bheir thu air do shlighe soirbheachadh leat, agus an sin nì thu gu glic.