2 Eachdraidh 33:4

Am Bìoball Gàidhlig 1992

Agus thog e altairean ann an taigh an Tighearna, mun dubhairt an Tighearna, Ann an Ierusalem bidh m’ainm-sa gu bràth.

Iomraidhean Croise

2 Samuel 7:13

Togaidh esan taigh dom ainm-sa, agus daingnichidh mise rìgh-chathair a rìoghachd gu bràth.

1 Rìgh 8:29

A‑chum gum bi do shùilean fosgailte ris an taigh seo a dh’oidhche agus a là; eadhon ris an àite mun dubhairt thu, Bidh m’ainm an sin: a‑chum gun èisd thu ris an ùrnaigh a nì do sheirbhiseach a dh’ionnsaigh an àite seo.

1 Rìgh 9:3

Agus thubhairt an Tighearna ris, Chuala mi d’ùrnaigh agus d’athchuinge a chuir thu suas am fhianais: naomhaich mi an taigh seo a thog thu, a chur m’ainme an sin gu bràth; agus bidh mo shùilean agus mo chridhe an sin gach là.

2 Rìgh 16:11

Agus thog Uriah an sagart altair a rèir gach nì a chuir Ahas an rìgh o Dhamascas: mar sin rinn Uriah an sagart i air cheann do rìgh Ahas teachd o Dhamascas.

2 Rìgh 16:16

Mar seo rinn Uriah an sagart a rèir gach nì a dh’àithn rìgh Ahas.

2 Eachdraidh 28:24

Agus chruinnich Ahas soithichean taigh Dhè, agus gheàrr e nam mìrean soithichean taigh Dhè, agus dhruid e dorsan taigh an Tighearna. Agus rinn e dha fhèin altairean anns gach ceàrn de Ierusalem.

2 Eachdraidh 32:19

Agus labhair iad an aghaidh Dia Ierusaleim mar an aghaidh diathan sluagh na talmhainn, obraichean làmhan dhaoine.

2 Eachdraidh 33:15

Agus chuir e air falbh na diathan coimheach agus an t‑iodhal à taigh an Tighearna, agus na h‑altairean uile a thog e ann an sliabh taigh an Tighearna, agus ann an Ierusalem, agus thilg e a‑mach as a’ bhaile iad.

2 Eachdraidh 33:7

Agus chuir e dealbh snaidhte, iodhal a rinn e, ann an taigh Dhè, mun dubhairt Dia ri Daibhidh, agus ri Solamh a mhac, Anns an taigh seo, agus ann an Ierusalem, a thagh mi à uile threubhan Israeil, cuiridh mi m’ainm gu bràth.

2 Eachdraidh 34:11

Thug iad e eadhon do na saoir agus don luchd-togail, a cheannach chlach snaidhte, agus fiodha a‑chum nan ceangal, agus gu ùrlar a chur anns na taighean a mhill rìghrean Iùdah.

2 Eachdraidh 6:5

On là air an tug mi mo shluagh a‑mach à tìr na h‑Eiphit, cha do thagh mi baile sam bith à uile threubhan Israeil a thogail taighe, a‑chum gum biodh m’ainm an sin, agus cha do thagh mi duine sam bith gu bhith na uachdaran os cionn mo shluaigh Israel.

2 Eachdraidh 6:6

Ach a‑nis thagh mi Ierusalem, a‑chum gum biodh m’ainm an sin; agus thagh mi Daibhidh gu bhith os cionn mo shluaigh Israel.

2 Eachdraidh 7:16

Oir a‑nis thagh mi agus naomhaich mi an taigh seo, a‑chum gum bi m’ainm an sin gu bràth; agus bidh mo shùilean agus mo chridhe an sin gach là.

Ieremiah 7:30

Oir rinn clann Iùdah olc ann am shealladh-sa, deir an Tighearna; chuir iad an gràinealachdan anns an taigh a dh’ainmicheadh ormsa, a‑chum a thruailleadh.

Deuteronomi 12:11

An sin bidh àit ann a thaghas an Tighearna ur Dia, a thoirt air a ainm còmhnaidh a ghabhail ann: gu sin bheir sibh na h‑uile nithean a tha mise ag àithneadh dhuibh; ur tabhartasan-loisgte, agus ur n‑ìobairtean, ur deicheamh, agus tabhartasan-togte ur làimhe, agus taghadh ur bòidean uile a bhòidicheas sibh don Tighearna.