2 Eachdraidh 32:27

Am Bìoball Gàidhlig 1992

Agus bha aig Heseciah beartas agus urram ro‑mhòr: agus rinn e dha fhèin ionmhasan airson airgid, agus òir, agus chlachan luachmhor, agus spìosraidh, agus thargaidean, agus gach seud thaitnich;

Iomraidhean Croise

2 Rìgh 20:13

Agus rinn Heseciah gàirdeachas os an cionn, agus dh’fheuch e dhaibh uile thaigh-tasgaidh a nithean luachmhor, an t‑airgead, agus an t‑òr, agus na spìosraidh, agus an ola luachmhor, agus a thaigh-armachd, agus na nithean uile a fhuaireadh na ionmhasan: cha robh nì na thaigh, no na rìoghachd uile, nach d’fheuch Heseciah dhaibh.

1 Eachdraidh 29:28

Agus fhuair e bàs ann an deagh sheann aois, làn de làithean, de shaoibhreas, agus de urram; agus rìghich Solamh a mhac na àite.

2 Eachdraidh 1:12

Tha gliocas agus eòlas air an tabhairt dhut, agus bheir mise dhut beartas, agus maoin, agus cliù, air chor is nach robh a leithid aig na rìghrean a bha romhad, agus ad dhèidh nach bi a lethid.

2 Eachdraidh 17:5

Uime sin dhaingnich an Tighearna an rìoghachd na làimh; agus thug Iùdah uile tìodhlacan gu Iehosaphat: agus bha aige beartas agus urram ann am pailteas.

2 Eachdraidh 32:26

Gidheadh dh’irioslaich Heseciah e fhèin airson uabhar a chridhe, araon e fhèin agus luchd-àiteachaidh Ierusaleim: uime sin cha tàinig fearg an Tighearna orra ann an làithean Heseciah.

2 Eachdraidh 32:28

Agus taighean-tasgaidh airson toradh an arbhair, agus an fhìona, agus na h‑ola; agus taighean airson gach gnè ainmhidh, agus mainnirean airson nan treud.

2 Eachdraidh 9:27

Agus thug an rìgh air airgead a bhith ann an Ierusalem mar chlachan, agus air na croinn sheudair thug e a bhith mar na croinn shicomoir, a tha anns an t‑srath, air lìonmhorachd.

Gnàth-fhacal 10:22

Nì beannachadh an Tighearna saoibhir, agus cha chuir e doilgheas na chuideachd.

Eseciel 26:12

Agus nì iad creach ded shaoibhreas agus nì iad cobhartach ded cheannachd; agus brisidh iad sìos do bhallachan, agus millidh iad do thaighean taitneach; agus leagaidh iad do chlachan, agus d’fhiodh, agus do dhuslach ann am meadhon an uisge.

1 Samuel 2:7

Is e an Tighearna a nì bochd, agus a nì beartach: leagaidh e sìos, agus togaidh e suas.