2 Eachdraidh 32:21

Am Bìoball Gàidhlig 1992

Agus chuir an Tighearna aingeal uaithe, a sgrios na daoine comasach gaisgeil uile, agus na ceannardan, agus na h‑uachdarain ann an camp rìgh Asiria: uime sin thill e le nàire gnùise da thìr fhèin. Agus nuair a chaidh e a‑steach do thaigh a dhè, mharbh iadsan a thàinig a‑mach as a innibh fhèin e an sin leis a’ chlaidheamh.

Iomraidhean Croise

2 Samuel 24:16

Agus nuair a chuir an t‑aingeal a‑mach làmh gu Ierusalem gu a sgrios, ghabh an Tighearna aithreachas a‑thaobh an uilc, agus thubhairt e ris an aingeal a sgrios an sluagh, Is leòr e: cùm a‑nis air do làimh. Agus bha aingeal an Tighearna làimh ri ùrlar-bualaidh Araunah an t‑Iebusach.

2 Rìgh 19:20

An sin chuir Isaiah mac Amois teachdaire gu Heseciah, ag ràdh, Mar seo tha an Tighearna Dia Israeil ag ràdh, An ùrnaigh a rinn thu riumsa mu thimcheall Shenacherib rìgh Asiria, chuala mi.

2 Eachdraidh 32:20

Agus rinn Heseciah an rìgh agus am fàidh Isaiah mac Amois, ùrnaigh airson seo, agus ghlaodh iad gu nèamh.

2 Eachdraidh 32:22

Mar seo shaor an Tighearna Heseciah agus luchd-àiteachaidh Ierusaleim à làimh Shenacherib rìgh Asiria, agus à làimh nan uile, agus stiùir e iad air gach taobh.

Iob 9:4

Glic ann an cridhe, agus treun ann an neart, cò a chruadhaich e fhèin na aghaidh, agus a shoirbhich?

Salm 132:18

Eididh mi a naimhdean le nàire, ach air fhèin thig a choron fo bhlàth.

Salm 18:50

Bheir esan saorsa mhòr da rìgh, agus nochdaidh e tròcair da aon ungte fhèin, do Dhaibhidh agus da shliochd gu bràth.

Salm 44:15

Fad an là tha m’amhluadh am fhianais, agus chòmhdaich nàire mo ghnùise mi,

Salm 76:12

Sgathaidh e sìos spiorad uachdaranan; is cùis eagail e do rìghrean na talmhainn.

Salm 76:5

Chreachadh iadsan a bha misneachail ann an cridhe; chaidil iad an cadal, agus cha d’fhuair na daoine treuna gu lèir an làmhan.

Salm 76:6

Led achmhasan, a Dhè Iàcoib, chuireadh araon am marcach agus an t‑each nan suain.

Salm 76:7

Is cùis eagail thusa, eadhon thusa; agus cò a sheasas ad làthair nuair a bhios fearg ort?

Gnàth-fhacal 11:2

Nuair a thig uabhar, thig masladh; ach aig na h‑iriosail tha gliocas.

Gnàth-fhacal 16:18

Ro sgrios thèid uabhar; agus ro leagadh, spiorad àrdanach.

Isaiah 10:8

Oir their e, Nach eil mo cheannardan uile nan rìghrean?

Isaiah 14:25

A‑chum an t‑Asirianach a bhriseadh nam dhùthaich, agus a shaltradh fom chasan air mo shlèibhtean: an sin falbhaidh a chuing dhiubh, agus togar a eallach bhàrr an guaille.

Isaiah 36:9

Cionnas, matà, a thilleas tu air ais aon cheann-feadhna de na seirbhisich as lugha tha aig mo thighearna, agus a dh’earbas tu as an Eiphit airson charbadan agus mharc-shluaigh?

Isaiah 37:21

An sin chuir Isaiah mac Amois fios gu Heseciah, ag ràdh, Mar seo deir an Tighearna, Dia Israeil, A‑thaobh na h‑ùrnaigh a rinn thu rium mu thimcheall Shenacherib rìgh Asiria;

Isaiah 42:8

Is mise Iehòbhah, is e sin m’ainm: agus mo ghlòir cha tabhair mi do neach eile, no mo chliù do dhealbhan snaidhte.

Ieremiah 21:2

Fiosraich, guidheamaid ort, den Tighearna air ar son-ne, oir tha Nebuchadresar rìgh Bhàbiloin a’ cogadh nar n‑aghaidh; a dh’fheuchainn an dèan an Tighearna rinn a rèir a uile bheartan iongantach, a‑chum gun tèid e suas uainn.

Daniel 3:28

An sin labhair Nebuchadnesar, agus thubhairt e, Guma beannaichte gu robh Dia Shadraich, Mhesaich, agus Abed-nego, a chuir a‑nuas a aingeal, agus a shaor a òglaich a chuir an dòchas ann, agus a chuir an aghaidh facail an rìgh, agus a thug seachad an cuirp a‑chum nach tugadh iad seirbhis no adhradh do dhia air bith, ach an Dia fhèin.

Daniel 6:22

Chuir mo Dhia-sa a‑nuas aingeal, agus dhruid e beòil nan leòmhann, air chor is nach do rinn iad mo dhochann: do bhrìgh na fhianais gun d’fhuaireadh neochiontas annam; agus fòs ad fhianais-sa, O rìgh, cha do rinn mi cron sam bith.

Gnìomharan 12:23

Agus air ball bhuail aingeal an Tighearna e, do bhrìgh nach tug e a’ ghlòir do Dhia: agus dh’itheadh le cnuimhean e, agus chaidh an deò as.