2 Eachdraidh 30:17

Am Bìoball Gàidhlig 1992

Oir bha mòran anns a’ choitheanal nach robh air an naomhachadh: uime sin bha cùram marbhadh na càisge air na Lèbhithich, airson gach neach nach robh glan, a‑chum an naomhachadh don Tighearna.

Iomraidhean Croise

2 Eachdraidh 29:34

Ach bha na sagartan tearc, agus cha b’urrainn iad na tabhartasan loisgte uile fhionnadh: uime sin chuidich am bràithrean na Lèbhithich leo, gus an do chrìochnaicheadh an obair, agus gus an do naomhaich na sagartan iad fhèin: oir bha na Lèbhithich na bu deise nan cridhe a‑chum iad fhèin a naomhachadh na na sagartan.

Ecsodus 12:6

Agus gleidhidh sibh a‑staigh e, gu ruig an ceathramh-là‑deug den mhìos seo; agus marbhaidh co‑chruinneachadh iomlan chloinn Israeil e anns an fheasgar.

Eseciel 44:11

Gidheadh bidh iad nan luchd-frithealaidh ann am ionad naomh, air am bi cùram geatachan an teampaill, agus a bhios a’ frithealadh don teampall: marbhaidh iad an tabhartas-loisgte agus an ìobairt airson an t‑sluaigh, agus seasaidh iad nan làthair gu frithealadh dhaibh:

Àireamh 9:7

Agus thubhairt na daoine sin ris, Tha sinne air ar salachadh le corp duine mhairbh: carson a chumar air ar n‑ais sinn, a‑chum is nach faod sinn tabhartas an Tighearna a thoirt seachad na àm suidhichte fhèin am measg chloinn Israeil?

Eòin 11:55

Agus bha càisg nan Iùdhach am fagas: agus chaidh mòran suas as an dùthaich do Ierusalem ron chàisg, a‑chum iad fhèin a ghlanadh.