2 Eachdraidh 30:16

Am Bìoball Gàidhlig 1992

Agus sheas iad nan àit a rèir an riaghailt, a rèir lagh Mhaois, òglach Dhè: agus chrath na sagartan an fhuil a ghabh iad o làimh nan Lèbhitheach.

Iomraidhean Croise

2 Rìgh 11:14

Agus nuair a dh’amhairc i, feuch, sheas an rìgh làimh ri post, mar a bu ghnàth, agus na h‑uachdarain, agus na trompadairean làimh ris an rìgh; agus rinn sluagh na tìre uile gàirdeachas, agus shèid iad le trompaidean: agus reub Ataliah a h‑aodach, agus dh’èigh i, Foill, foill!

1 Eachdraidh 23:14

A‑nis mu thimcheall Mhaois, òglach Dhè, bha a mhic air an ainmeachadh de threubh Lèbhi.

2 Eachdraidh 34:31

Agus sheas an rìgh na àite fhèin, agus rinn e coicheangal am fianais an Tighearna gun gluaiseadh e an dèidh an Tighearna, agus gun gleidheadh e a àitheantan, agus a theisteis agus a reachdan, le a uile chridhe agus le a uile anam, a choileanadh briathran a’ choicheangail, a tha sgrìobhte anns an leabhar seo.

2 Eachdraidh 35:15

Agus bha luchd-seinn, mic Asaiph, nan àite fhèin, a rèir àithne Dhaibhidh, agus Asaiph, agus Hemain, agus Iedutuin, fear-seallaidh an rìgh, agus na dorsairean aig gach geata: chan fheumadh iad an seirbhis fhàgail, oir dheasaich am bràithrean na Lèbhithich air an son.

Lebhiticus 1:5

Agus marbhaidh e an tarbh òg an làthair an Tighearna: agus bheir na sagartan, mic Aaroin, leo an fhuil, agus crathaidh iad an fhuil mun cuairt air an altair, a tha aig doras pàillean a’ choitheanail.

Deuteronomi 33:1

Agus is e seo am beannachadh leis an do bheannaich Maois, òglach Dhè, clann Israeil ro a bhàs.

Eabhraidhich 11:28

Tre chreideamh ghlèidh e a’ chàisg, agus an dòrtadh fala, a‑chum nach beanadh an tì a sgrios na ciad-ghin riùsan.