2 Eachdraidh 26:21

Am Bìoball Gàidhlig 1992

Agus bha Udsiah an rìgh na lobhar gu là a bhàis, agus ghabh e còmhnaidh ann an taigh air leth, mar fhear a bha na lobhar, nuair a dhruideadh a‑mach e à taigh an Tighearna; agus bha Iotam a mhac os cionn taigh an rìgh, a’ toirt breith air sluagh na tìre.

Iomraidhean Croise

2 Rìgh 7:3

Agus bha ceathrar dhaoine air an robh an luibhre aig dol a‑steach a’ gheata; agus thubhairt iad gach fear ri chèile, Carson a dh’fhanas sinn an seo gus am bàsaich sinn?

2 Eachdraidh 26:20

Agus dh’amhairc Asariah an t‑àrd-shagart, agus na sagartan uile air, agus, feuch, bha luibhre air ann an clàr a aodainn, agus ghreas iad a‑mach as a sin e; agus rinn e fhèin mar an ceudna cabhag gu dol a‑mach, a chionn gun do bhuail an Tighearna e.

2 Eachdraidh 27:1

Còig-bliadhna-fichead a dh’aois bha Iotam nuair a thòisich e air rìoghachadh, agus rìghich e sia-bliadhna-deug ann an Ierusalem; agus b’e ainm a mhàthar Ierusa, nighean Shadoic.

Lebhiticus 13:46

Rè nan uile làithean a bhios a’ phlàigh air, bidh e salach; tha e neòghlan: gabhaidh e còmhnaidh na aonar; an taobh a‑muigh den champ bidh a ionad-tàimh.

Lebhiticus 14:8

Agus nighidh esan a tha gu bhith air a ghlanadh a aodach, agus bearraidh e dheth a fhionnadh uile, agus nighidh e e fhèin ann an uisge, a‑chum gum bi e glan: agus na dhèidh sin thig e a‑steach don champ, agus fanaidh e a‑mach as a’ bhùth seachd làithean.

Àireamh 12:15

Agus dhruideadh Miriam a‑mach on champ seachd làithean: agus cha do ghabh an sluagh an turas, gus an tugadh Miriam a‑steach a‑rìs.

Àireamh 5:4

Agus rinn clann Israeil mar seo, agus chuir iad a‑mach iad an taobh a‑muigh den champ: mar a labhair an Tighearna ri Maois, mar sin rinn clann Israeil.