2 Eachdraidh 26:20

Am Bìoball Gàidhlig 1992

Agus dh’amhairc Asariah an t‑àrd-shagart, agus na sagartan uile air, agus, feuch, bha luibhre air ann an clàr a aodainn, agus ghreas iad a‑mach as a sin e; agus rinn e fhèin mar an ceudna cabhag gu dol a‑mach, a chionn gun do bhuail an Tighearna e.

Iomraidhean Croise

2 Eachdraidh 26:19

Agus bha fearg air Udsiah, agus tùiseir aige na làimh a losgadh tùise: agus nuair a bha fearg air ris na sagartan, air ball dh’èirich luibhre suas ann an clàr a aodainn, am fianais nan sagartan ann an taigh an Tighearna, os cionn altair na tùise.

2 Eachdraidh 26:21

Agus bha Udsiah an rìgh na lobhar gu là a bhàis, agus ghabh e còmhnaidh ann an taigh air leth, mar fhear a bha na lobhar, nuair a dhruideadh a‑mach e à taigh an Tighearna; agus bha Iotam a mhac os cionn taigh an rìgh, a’ toirt breith air sluagh na tìre.

Esra 7:5

Mhic Abisua, mhic Phinehais, mhic Eleàsair, mhic Aaroin an t‑àrd-shagart:

Esteir 6:12

Agus thill Mordecai gu geata an rìgh: ach ghreas Hàman da thaigh fhèin ri bròn, agus a cheann còmhdaichte.

Lebhiticus 13:10

Agus amhaircidh an sagart air: agus, feuch, ma tha at bàn anns a’ chraiceann, agus gun do thionndaidh e am fionnadh gu bàn, agus gu bheil feòil bheò dhearg anns an at,

Lebhiticus 14:34

Nuair a thig sibh do thìr Chanàain, a bheir mise dhuibh mar sheilbh, agus a chuireas mi plàigh luibhre ann an taigh fearann ur seilbhe;

Deuteronomi 28:22

Buailidh an Tighearna thu le caitheamh agus le fiabhras, agus le ainteas, agus le àrd-losgadh, agus leis a’ chlaidheamh, agus le seargadh, agus le fuar-dhealt; agus leanaidh iad thu gus an tèid as dhut.

Deuteronomi 28:35

Buailidh an Tighearna thu anns na glùinean, agus anns na casan, le neasgaid chràitich nach gabh a leigheas, o bhonn do choise gu mullach do chinn.