2 Eachdraidh 26:10

Am Bìoball Gàidhlig 1992

Agus thog e tùir anns an fhàsach, agus chladhaich e mòran thobar; oir bha mòran sprèidhe aige, agus anns an tìr ìosail agus anns a’ chòmhnard treabhaichean, agus fìonliosadairean anns na slèibhtean agus ann an Carmel, a chionn gum bu toigh leis tuathanachas.

Iomraidhean Croise

2 Rìgh 19:23

Le làimh do theachdairean mhaslaich thu an Tighearna, agus thubhairt thu, Le lìonmhorachd mo charbad dhìrich mi àirde nam beann, sliosan Lebanoin; agus gearraidh mi sìos a chraobhan seudair as àirde, agus rogha a chraobhan giuthais, agus thèid mi a‑steach do àitean-tàimh a chrìche, frìth a Charmeil.

2 Rìgh 3:4

Agus bha Mesa rìgh Mhòaib na shealbhadair chaorach, agus dh’ìoc e do rìgh Israeil ceud mìle uan, agus ceud mìle reithe len olainn.

2 Eachdraidh 17:12

Agus dh’fhàs Iehosaphat gu h‑anabarrach mòr: agus thog e ann an Iùdah caistealan agus bailtean-ionmhais.

2 Eachdraidh 17:13

Agus bha mòran obrach aige ann am bailtean Iùdah, agus fir-chogaidh, daoine comasach gaisgeil ann an Ierusalem.

2 Eachdraidh 26:11

Bha aig Udsiah mar an ceudna armailt de dhaoine a dhèanadh cogadh, a rachadh a‑mach gu cath nam buidhnean, a rèir uibhir an àireimh, le làimh Ieieil an sgrìobhaiche, agus Mhaaseiah am fear-riaghlaidh, fo làimh Hananiah aon de uachdarain an rìgh.

2 Eachdraidh 32:29

Agus rinn e dha fhèin bailtean: agus bha sealbh chaorach agus buar aige ann am pailteas, oir thug Dia dha maoin ro‑mhòr.

Eclesiastes 5:8

Ma chì thu fòirneart an duine bhochd, agus fiaradh breitheanais agus ceartais le làimh làidir ann am mòr-roinn, na biodh ioghnadh ort ris an nì seo: oir bheir an tì as àirde na an neach a tha àrd acasan an aire, agus tha iad ann as àirde na iadsan.

Isaiah 29:17

Nach tamall ro‑bheag fòs gus an dèanar Lebanon na fhearann torrach, agus gus am measar am fearann torrach mar fhrìth?

Deuteronomi 3:10

Bailtean a’ chòmhnaird uile, agus Gilead uile, agus Basan uile, gu Salcha agus Edrei, bailtean rìoghachd Og ann am Basan:

Iosua 15:55

Maon, Carmel, agus Siph, agus Iutah,

1 Samuel 15:12

Agus nuair a dh’èirich Samuel gu moch a choinneachadh Shauil anns a’ mhadainn, dh’innseadh do Shamuel, ag ràdh, Thàinig Saul gu Carmel, agus, feuch, chuir e suas dha fhèin clach-chuimhneachain, agus dh’imich e mun cuairt, agus ghabh e air aghaidh, agus chaidh e sìos gu Gilgal.