2 Eachdraidh 25:26

Am Bìoball Gàidhlig 1992

Agus a’ chuid eile de ghnìomharan Amasiah, an toiseach agus mu dheireadh, feuch, nach eil iad sgrìobhte ann an leabhar rìghrean Iùdah agus Israeil?

Iomraidhean Croise

1 Rìgh 14:19

Agus a’ chuid eile de ghnìomharan Ierobòaim, mar a chog, agus mar a rìghich e, feuch, tha iad sgrìobhte ann an leabhar eachdraidh rìghrean Israeil.

1 Rìgh 14:29

Agus a’ chuid eile de ghnìomharan Rehobòaim, agus na h‑uile nithean a rinn e, nach eil iad sgrìobhte ann an leabhar eachdraidh rìghrean Iùdah?

2 Rìgh 14:15

Agus a’ chuid eile de ghnìomharan Iehoais a rinn e, agus a thrèine, agus mar a chog e ri Amasiah rìgh Iùdah, nach eil iad sgrìobhte ann an leabhar eachdraidh rìghrean Israeil?

1 Eachdraidh 29:29

A‑nis gnìomharan Dhaibhidh an rìgh, eadar thoiseach agus dheireadh, feuch, tha iad sgrìobhte ann an leabhar Shamueil am fear-seallaidh, agus ann an leabhar Nàtain am fàidh agus ann an leabhar Ghad am fear-seallaidh,

2 Eachdraidh 20:34

A‑nis a’ chuid eile de ghnìomharan Iehosaphait, an toiseach agus mu dheireadh, feuch, tha iad sgrìobhte ann am briathran Iehu mhic Hanani, a chuir e sìos ann an leabhar rìghrean Israeil.

2 Eachdraidh 25:25

Agus mhair Amasiah mac Iòais, rìgh Iùdah, beò an dèidh bàs Iòais mhic Iehoahais, rìgh Israeil, còig-bliadhna-deug.

2 Eachdraidh 25:27

Ach on àm anns an do thionndaidh Amasiah o leantainn an Tighearna, rinn iad ceannairc na aghaidh ann an Ierusalem, agus theich e gu Lachis: ach chuir iad daoine na dhèidh gu Lachis, agus mharbh iad e an sin.

2 Eachdraidh 26:22

Agus a’ chuid eile de ghnìomharan Udsiah, an toiseach agus mu dheireadh, sgrìobh Isaiah am fàidh, mac Amois.

2 Eachdraidh 27:7

Agus a’ chuid eile de ghnìomharan Iotaim, agus a chogaidhean uile, agus a shlighean, feuch, tha iad sgrìobhte ann an leabhar rìghrean Israeil agus Iùdah.

2 Eachdraidh 32:32

Agus a’ chuid eile de ghnìomharan Heseciah, agus a mhaitheas, feuch, tha iad sgrìobhte ann am fàistneachd Isaiah am fàidh, mac Amois, agus ann an leabhar rìghrean Iùdah agus Israeil.

2 Eachdraidh 35:27

Eadhon a ghnìomharan an toiseach agus mu dheireadh, feuch, tha iad sgrìobhte ann an leabhar rìghrean Israeil agus Iùdah.

2 Eachdraidh 36:8

Agus a’ chuid eile de ghnìomharan Iehoiacim, agus a ghràinealachdan a rinn e, agus na fhuaireadh ann, feuch, tha iad sgrìobhte ann an leabhar rìghrean Israeil agus Iùdah. Agus rìghich Iehoiachin a mhac na àite.