2 Eachdraidh 25:10

Am Bìoball Gàidhlig 1992

An sin sgaoil Amasiah iadsan den armailt a thàinig da ionnsaigh à Ephraim, a‑chum gun rachadh iad dan àite fhèin. Agus las am fearg gu mòr an aghaidh Iùdah, agus thill iad dan àite fhèin ann an corraich mhòir.

Iomraidhean Croise

2 Samuel 19:43

Agus fhreagair fir Israeil fir Iùdah, agus thubhairt iad, Tha deich earrannan againne anns an rìgh, agus tha mar an ceudna tuilleadh còir againn ann an Daibhidh na tha agaibhse: carson matà a rinn sibh tàir oirnne? Agus nach b’e ar gnothach-ne an toiseach ar rìgh a thabhairt air ais? Agus bu ghairge briathran fir Iùdah na briathran fir Israeil.

1 Rìgh 12:24

Mar seo tha an Tighearna ag ràdh, Na rachaibh suas, agus na cogaibh ri ur bràithrean clann Israeil: tillibh gach duine da thaigh fhèin, oir is ann leamsa a rinneadh an nì seo. Agus dh’èisd iad ri facal an Tighearna, agus thill iad gu imeachd a rèir facal an Tighearna.

2 Eachdraidh 25:11

Agus neartaich Amasiah e fhèin, agus thug e a‑mach a shluagh, agus chaidh e gu gleann an t‑salainn, agus bhuail e de chloinn Sheir deich mìle.

2 Eachdraidh 25:9

Agus thubhairt Amasiah ris an duine le Dia, Ach ciod a nì sinn mun cheud tàlann a thug mi do armailt Israeil? Agus fhreagair an duine le Dia, Tha an Tighearna comasach air mòran tuilleadh na sin a thabhairt dhutsa.

Gnàth-fhacal 29:22

Dùisgidh duine feargach aimhreit, agus bidh fear na corraich pailt ann an easaontas.