2 Eachdraidh 24:25

Am Bìoball Gàidhlig 1992

Agus nuair a dh’imich iad uaithe, a chionn gun d’fhàg iad e ann an eucailean mòra, rinn a sheirbhisich fhèin ceannairc na aghaidh airson fuil mac Iehoiada an sagart, agus mharbh iad e air leabaidh, agus nuair a fhuair e bàs, dh’adhlaic iad e ann am baile Dhaibhidh, ach cha d’adhlaic iad e ann an àitean-adhlaic nan rìghrean.

Iomraidhean Croise

1 Rìgh 15:27

Agus rinn Baasa mac Ahiah, de thaigh Asachair, ceannairc na aghaidh: agus bhuail Baasa e làimh ri Gibeton, a bhuineas do na Philistich, nuair a bha Nàdab agus Israel uile a’ teannachadh Ghibetoin.

2 Eachdraidh 21:16

Uime sin bhrosnaich an Tighearna an aghaidh Iehoraim spiorad nam Philisteach, agus nan Arabach, a bha làimh ris na h‑Etiopaich:

2 Eachdraidh 22:6

Agus thill e gu bhith air a leigheas ann an Iesreel o na lotan a thug iad dha ann an Ramah, nuair a chòmhraig e an aghaidh Hasaeil rìgh Shiria. Agus chaidh Ahasiah mac Iehoraim, rìgh Iùdah, sìos a dh’fhaicinn Ioraim mhic Ahaib ann an Iesreel, a chionn gu robh e tinn.

2 Eachdraidh 22:9

Agus dh’iarr e Ahasiah; agus ghlac iad e, agus e am falach ann an Samaria: agus thug iad e a dh’ionnsaigh Iehu, agus mharbh iad e, agus dh’adhlaic iad e, a chionn, thubhairt iad, gur e mac Iehosaphait e, a dh’iarr an Tighearna le a uile chridhe. Agus cha robh e an comas do thaigh Ahasiah an rìoghachd a ghleidheadh na b’fhaide.

2 Eachdraidh 24:16

Agus dh’adhlaic iad e ann am baile Dhaibhidh maille ris na rìghrean, a chionn gun do rinn e math ann an Israel, araon a‑thaobh Dhè, agus a‑thaobh a thaighe.

2 Eachdraidh 24:26

Agus is iad seo iadsan a rinn ceannairc na aghaidh: Sabad mac Shimeait a’ bhan-Amonach, agus Iehosabad mac Shimrit a’ bhan-Mhòabach, agus a mhic.

2 Eachdraidh 25:27

Ach on àm anns an do thionndaidh Amasiah o leantainn an Tighearna, rinn iad ceannairc na aghaidh ann an Ierusalem, agus theich e gu Lachis: ach chuir iad daoine na dhèidh gu Lachis, agus mharbh iad e an sin.

2 Eachdraidh 25:3

A‑nis nuair a dhaingnicheadh an rìoghachd dha, mharbh e a sheirbhisich a mharbh an rìgh a athair.

2 Eachdraidh 28:27

Agus chaidil Ahas maille ra athraichean, agus dh’adhlaic iad e anns a’ bhaile, ann an Ierusalem; ach cha tug iad e do àitean-adhlaic rìghrean Israeil; agus rìghich Heseciah a mhac na àite.

Salm 10:14

Chunnaic thu e, oir is lèir dhut olc agus mìorun, a‑chum an dìoladh led làimh: ortsa fàgaidh an duine bochd e fhèin; is tu fear-cuideachaidh an dìlleachdain.

Taisbeanadh 16:6

Oir dhòirt iadsan fuil naomh agus fhàidhean, agus thug thusa dhaibh fuil ra h‑òl; oir is toillteanach iad.