2 Eachdraidh 20:2

Am Bìoball Gàidhlig 1992

Agus thàinig teachdairean, agus dh’innis iad do Iehosaphat ag ràdh, Tha sluagh mòr a’ teachd ort a‑nall thar fairge, agus o Edom; agus, feuch, tha iad ann an Hasason-tàmar; is e sin En‑gedi.

Iomraidhean Croise

Genesis 14:3

Chaidh iad sin uile ann an co‑bhainn ri chèile ann an gleann Shidim, a tha a‑nis na fhairge shalainn.

Genesis 14:7

Agus thill iad, agus thàinig iad gu En‑mispat, eadhon Cadeis, agus bhuail iad dùthaich nan Amaleceach uile, agus mar an ceudna na h‑Amoraich, a bha a chòmhnaidh ann an Haseson Tàmar.

Dàn Sholaimh 1:14

Tha mo ghràdh dhòmhsa mar bhasgaid den chrann-champhir ann am fìonliosan En‑gedi.

Eseciel 47:10

Agus tàrlaidh gun seas na h‑iasgairean oirre, o Engedi gu ruig Eneglaim; bidh iad nan ionad a sgaoileadh a‑mach lìon, bidh an iasg a rèir an seòrsa, mar iasg na fairge mòire, ro‑lìonmhor.

Eseciel 47:19

Agus an taobh deas mu dheas o Thamar, gu uisgeachan na strì ann an Cades, an sruth gus an fhairge mhòr: agus seo an taobh deas mu dheas.

Eseciel 48:28

Agus làimh ri crìch Ghaid, aig an taobh deas mu dheas, bidh a’ chrìoch o Thamar, eadhon gu uisgeachan na strì ann an Cades, gus an abhainn leth ris an fhairge mhòir.

Àireamh 34:12

Agus thèid a’ chrìoch sìos gu Iòrdan, agus bidh a dol a‑mach aig a’ mhuir shaillte: is e seo ur fearann le a chrìochan mun cuairt.

Iosua 15:62

Agus Nibsan, agus baile an t‑salainn, agus En‑gedi: sia bailtean mòra lem bailtean beaga.

Iosua 3:16

An sin sheas na h‑uisgeachan a thàinig a‑nuas on àirde, agus dh’èirich iad suas nan tòrr ro‑fhada on bhaile Adam, a tha làimh ri Saretan: agus theirig iadsan a chaidh sìos rathad muir a’ chòmhnaird, eadhon a’ mhuir shalainn, agus ghearradh as iad; agus chaidh an sluagh thairis dìreach fa chomhair Iericho.

1 Samuel 23:29

Agus chaidh Daibhidh suas as a sin, agus ghabh e còmhnaidh ann an daingnichean làidir En‑gedi.